San Lucas 9
9
Jesús gsele bene tzachhino lachhile'anke le' zajtixaje'eke rson ki yelarne'abe'a ki Diozo
(Mt 10.5-15; Mc 6.7-13)
1Jesús botobe bene tzachhino lachhile'anke le', na bde'e kie'ake balorhe kan bka'anhe lona'ake kinda yolagake notite'azi be'e malha, kan kinda yonke chen no' rhaka xhwe'e. 2Gsele le'ake zajtixaje'eke ki yelarne'abe'a ki Diozo, kan kinda yonke bene rhaka xhwe'ake. 3Na rhe le'ake:
—Bigsla bigoa'alhe ki lhaneza: Ni xaga, ni bzodi, ni ta gagolhe, ni domi, ni xhalhe yakolhe. 4Gatite'azi yo'o ga' xhchhinle, leyega'an nazi kati yezate'arhele lataj na. 5Na chen to yechhi ga' xhchhinle labi rhe'ankene tzo'olhe, leyerhoaj na', te lekuibi bixhte chhia nia'alhe, kinda ye'akiebekene taxhinaj xhen be'anke.
6Gza'ake le'ake, na guiajke ga' diazi yechhi zingo, zajtixaje'eke rson wen le'an rheyonkate bene rhaka xhwe'ake.
Herodes labi nezene nono Jesús
(Mt 14.1-12; Mc 6.14-29)
7Bene rne'abe Herodes benhenhe rtzalajke ki yogote'a tan rhaka; bigsla nezene bipensarhe gonhe, le'a balake rne'ake Juan beyasabebanhe, 8yebalake rne'ake bela'a bene btzalaje laza Diozo grelawe Elías, te yebalake rne'ake beyasabeban to bene gde tina'ate btzalaje laza Diozo. 9Te Herodes gne':
—Ne'adi kuinksa gochhikane xhchogoke yikiaj Juan. ¿Nono bene ni chen, rhenda rtzalajke kie' bikaka?
Tanka Herodes rhonhe balen sle'ene Jesús.
Jesús bgawe bene zengolha
(Mt 14.13-23; Mc 6.30-44; Jn 6.1-14)
10Kati bechhinka bene lachhile'anke le' gdixaje'ekene Jesús tan be'anke. Le', beche' le'ake kieze lo yechhi rhelawe Betsaida. 11Kati gnisieke bene, gdoke le', te Jesús btzague le'ake, gdixaje'ene le'ake ki yelarne'abe'a ki Diozo, na beyonhe bene rhaka xhwe'ake.
12Kati chirzolho rchola, bene tzachhino gochhike Jesús:
—Gochhika bene kinda tzeajke zajyesike kan zajtilhajke ta gagoke lo yechhi zingo, kan laye'alha ga'ago, le'a bigslabidia ni.
13Jesús gochhie le'ake:
—Legde lén ta gagoke.
—Le'ake bochhike:
Labidia mazirhe, gayoga yetaxhtilha le'an chopa bela napato, ze'alhote'a chen tzeajto zajeoto ta gagoka yogote'a bene ni.
14Nakagsi kado gayo milhe bene. Na Jesús gochhie bene lachhile'anke le':
Leye'ake kueke chiyon weajke.
15Le'ake bze'anagake na gle'akike yogokate'. 16Na gde'ala Jesús gayo yetaxhtilha le'an ye chopa bela na byoe' yeba', te be'an la'aye kan bde'e xhle'an Diozo te bxhoxhaje na bde'e kika bene lachhile'anke le' kinda kisike kika bene. 17Ka bene gdagoke nonga belhajkene, te botobike non tzachhino ga'a tan bega'an.
Pedro gne' Jesús nake Cristo
(Mt 16.13-19; Mc 8.27-29)
18To dza kati Jesús rledze Diozo toze, na bene lachhile'anke le' ze'ale'anke le', gnabene le'ake:
—¿Nono rne'aka bene naka ne'adia?
19Le'ake bochhike:
—Balake rne'ake loe' Juan el Bautista, yebalake rne'ake loe' Elías, yebalake rne'ake nakalho to bene gde tina'ate btzalaje laza Diozo, na chibeyasabebanhe.
20—Te lén, ¿nono rne'alhe naka? —Gnabene le'ake.
Te Pedro bochhie':
—Nakalho Cristo ki Diozo.
Jesús rguixaje'e tan gatie'
(Mt 16.20-28; Mc 8.30—9.1)
21Jesús gotayoe' le'ake kinda bino ye'ake kan. 22Na gochhie le'ake:
—Xhi'in bene bguio' wazakayagaze, te bizajxenke bene waka le', xanka bxozi le'an ka muestro ki xhba'a. Gotike le' te nan gaka tzona dza yeyasayebanhe.
23Dena'a gochhie diarhake:
—Chen nolhelhe rhe'anhelhe gonle tozi le'an ne'adia, legzalalachhi kuinle, legoa'a krozo kie'alhe yogo dza te leda' le'an ne'adia. 24Le'a no' rhe'anhe gsla' yelanaban kie', wagsniti; na no' gsniti yelanaban kie' nia' kia', wagsla. 25¿Nogagsi rhonchhin ki to bene gonhe gan doxhen lichhileyo', chen rsnitie, o rchhiaguie lagazi kuinhe? 26Na chen tolhe lén rhedoelhe ne'adia kan ki xhtidza, le'aksikan Xhi'in bene bguio' yedoene le' kati yede le'an sdote'a yelarne'abe'a ki xoze le'an kika Sando angle. 27Talite'a balale ga' ze'alhe ni bine gatilhe kati sle'erhele yelarne'abe'a ki Diozo.
Jesús betza' ka' rne
(Mt 17.1-8; Mc 9.2-8)
28Do xonho dza de btzalaje ten, Jesús gre'anhe lo to guia' zajledze Diozo, gche Pedro, Santiago le'an Juan. 29Latzaka rledze Diozo, btza lawe, na xhe'e bena'a xhnolhagazi kon rhe'api yesa; 30na yajse'aka chopa bene rtzalajle'anke le'. Le'ake rhe loke Moises le'an Elías, 31ze'a le'an le'ake yelaye'ani ki Diozo na rtzalajke tan gati Jesús lo lichhileyo' ni, ten gaka ga' rhelawe Jerusalén. 32Za'akalha Pedro le'an bene xhkompe chirhakagazi chigasike, gna'akaze, te ble'ekene yelaxhen ki Jesús le'an chopa bene ze'ake le'an le'. 33Kati beza'aka bene na, ga' ze'a Jesús, Pedro rhe le':
—Muestro, ¡Tawengsi ze'arha ni! Ni gonrha tzona yo'o: To kio', yeto' ki Moisés yeto' ki Elías.
Na Pedro bigsla nezene nobi rne'. 34Latzaka rtzalaje, to beaj yajse'a ga' ze'ake, te kati chidzeke lo beaj bdzebikagaze. 35Na'arhe lo beaj bye'an to chi'i bene, te gne': «Bene ni nake Xhi'inha, bene nabeaja: Legze'anaga kie'.»
36Kati benkene chi'i bene na, Jesús bega'anhe toze. Te le'ake glo'okaze ten lo laxhdoke, na tiembo tina'a bigslano gochhike tan ble'ekene.
Jesús beyonhe to bin dze'ebi be'e malha
(Mt 17.14-20; Mc 9.14-29)
37Kteyo, kati beyetajke lo guia', tixekagolhe guiajke te yedzagake Jesús. 38Te to bene broaje ga' dzaka bene te gne' le'an chie' zidzaj:
—Muestro, be'an kle'an, byo bin kia', la tozibi zoabi kia'; 39to be'e malha rzenta le'abi, na rhonta nongakuechhiya'abi le'an rhonta nonga xhcholebi kan rhonta nonga yerhoaj bchhinha lo rho'abi. Rsakaya'ata le'abi te birhe'anheta ksanta le'abi. 40Chigotayoa' ka bene lachhile'anke loe' kinda yebeajke be'e malha, te labi gokake.
41Jesús bochhie':
—¡Lén birheajelheye'a, le'an nakalhe malha ¿Nogakati tiembo rhe'anhe sea le'an lén kan zoe srheajeda lén? Yiajxi ni xhi'inlo.
42Kati bin bguio' zeajbi ga'ago, be'e malha gro'onta le'abi lo yo'; na Jesús gdile be'e malha, beyonhe bin na te bode'ebi ki xozibi. 43Na yogoke gokiekene banachhi ta xhen rhon Diozo.
Jesús rguixaje'e ta grope niaa ki yelagoti kie'
(Mt 17.22-23; Mc 9.30-32)
Tzalaka bene rhe'akiekene banachhi tan rhon Jesús, le' gochhie bene lachhile'anke le':
44—Legze'anaga chhia'a ten te bigalalachhilhe: Xhi'in bene bguio' yodeke le' lona'a ka bene.
45Na le'ake birheajniekene tan rhe le'ake, labine ryalhaj yikiajloke kinda tzeajniekene; le'aksikan rdzebike snabekene Jesús kinda kixaje'e.
¿Nono za'akarhe?
(Mt 18.1-5; Mc 9.33-37)
46Na'arhe ka bene lachhile'anke le' gzolhoke rhebeajniake kinda sniziekene nonolha de le'ake gakake bene za'akarhe. 47Jesús, gokiebene ka rhonke kuenda, na bledze to bindo na bze'ebi kuite 48na rhe le'ake:
—No' rzi'i bindo ni, rzi'i ne'adia, na no' rzi'i ne'adia; le'aksikan rzi'i no' gsela ne'adia. Tanka, bene mazirhe nexaj de lén, le' nake bene mazirhe yajlo.
No' rhon tozi rho'o, ze'a le'an rho'o
(Mc 9.38-40)
49Juan gochhie le':
—Muestro, ble'eto to bene rholague be'e malha rle'e loe', gonheto gzagato, le'a tan binake tozi le'an rho'o.
50Jesús bochhie':
—Labigzagalhe, le'a no' rhon tozi rho'o, ze'a le'an rho'o.
Jesús gdile Santiago le'an Juan
51Kati chiza'a ga'ago tiembo kati Jesús yebe'anhe yeba', guiaje dolachhie yechhi rhelawe Jerusalén. 52Gsele gnerho bene noake rson, te guiajke lo to yechhi zingo ki Samaria, kinda kilhajke ga' yega'anhe; 53te ka bene Samaria bigo'onkene tzoe' yechhi, le'a tan gokiebekene zeaje Jerusalén. 54Kati bene lachhile'anke le' Santiago le'an Juan ble'ekene ten, gochhike le':
—Jesús, ¿arhe'anlo gonto nonga yexaj gui'i lo yeba' kinda gsniti le'ake?
55Na Jesús beyekiaje te gdile le'ake. 56Dena'a beyiajke yeto' yechhi zingo.
Kinda gorha Jesús
(Mt 8.19-22)
57Kati zeajke lo lhaneza, to bene rhe Jesús:
—Jesús, rhe'anda sale'anha loe' gate'azi tzeajlho.
58Jesús bochhie':
—Beza' napakaba xhan beloaj, te bea zoa xilhakaba napakaba lichhikaba; te Xhi'in bene bguio' labi nape ga' gasie.
59Jesús gochhie yeto' bene:
—Da le'an ne'adia.
Na le' bochhie':
—Jesús, be'ana lataj zalho dzajkachia xoza.
60Jesús rhe le':
—Bdelataj ka bene goti skachike bene goti kie'ake; loe' guiaj te yajtixaje'e yelarne'abe'a ki Diozo.
61Yetoe' gochhie Jesús:
—Jesús, rhe'anda sa'a le'anha loe', be'ana lataj zalho zajechhika kan bene lo yo'o kia'.
62Jesús gochhie le':
—No' rzen rhado te laryoze xhkodzala, labi gonhe chhin lo yelarne'abe'a ki Diozo.
Цяпер абрана:
San Lucas 9: ZAALuk
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Evangelio de Lucas en Mixe de Yalalag, Oaxaca, México © Sociedad Bíblica de México, A.C.