Genesis 15
15
Ja Dyosi, ay jas oj sk'u'lyi ja Abrami
1Tsa'an yuj ja iti, ja Dyosi, sje'a sb'ajyi ja Abram b'a jun swayich, ti yal yab'a:
—Abram, mi lom la xiwi. Ke'n wax talnaya. Jel ja jas oj ka'wi'i.
2-4Ti yala ja Abrami:
—Dyos we'ni mandaranuma kuja. ¿Ja sya'tel oj ja wa'ki jitsan jastik, mey kuntikil tak? Yajni la chamyoni, sb'aj ye'n spetsanil ja winik it jakel b'a tuk chonab' wa'n a'tel jmoki.
Jaxa Dyosi, ya' lek yi sniwanil sk'ujol:
Ja ma' oj ja wa'yi sdote jun a wunin we'na, mi ja'uk wa wa'tijum Eliezeri.
5Tsa'an, ti yi'aj el b'a sti na'its, ti yal yab'a:
—K'elawil jastal jel jitsan ja k'anal jumasa b'a satk'inali. ¿Smeranil mi oj b'ob' a wajtab'en? —Jach' mi oj b'ob' a wajtab'en wa wintil jumasa—.
6-7Jaxa Abrami, sk'u'an ja jas alji yab' yuj ja Dyosi, jaxa Dyosi, lekni yi'aj ja ja'yuj ti yala'a:
—Ke'n wa Dyosoni, jaxa we'n jb'ajani ke'n yuj ja a k'u'an ja kab'ali. Ke'n ka elan b'a Ur ja b'a'y ja caldeo jumasa, b'a we'n oj ka'wi ja lu'um iti, —xchi ja Dyosi.
8Jaxa Abrami, ti yala'a:
—Dyos, niwan mandaranum kuj— ¿Jastal oj jna' ta meran oj ja wa'ki? —xchi ja Abrami.
9Ja'yuj ti' alji yab' yuj ja Dyosi:
—B'a oj ch'aktik ja lo'il kala wab'i, i'ajan ki jun yal wakax, jun yal chiva sok jun yal chej, b'a ay yi'oj oxtike jab'il. Cho i'ajan jun yal pumus sok jun yal tortola.
10Jaxa Abrami, yi'aj och spetsanil ja chante jumasa sk'ana ja Dyosi, ch'ak spoj snalan, kechan ja yal chan jumasa mi jas sk'u'lan yi. 11Yajni yila ja usej jumasa, ch'ak juluke ja b'ay ja b'ak'et jumasa, jaxa Abrami sxiwta ele.
12Yajni wa'nxa ochel ja k'ak'u ja Abrami jak jun swayel, cho k'ik'b'i el ja b'a'yi. Sok ja jawi, jel a'ji och sxiwel, 13Ti alji yab' yuj ja Dyosi:
—Wax k'ana oj ja na' yuj wa wintil jumasa ti oj wajuke kulan b'a jun tukil niwan chonab'. Ja tiwi, jach' oj a'ji a'tijuke jastal ma' wax ixtalaji lek a'tel b'a yojol chane syen jab'il (400) jel oj ixtalajuke. 14Jaxa ke'n ojni ka stup ja swinkil ja chonab' jawa, yajni oj ka el wa wintil jumasa ja tiwi sok jitsan jastik sb'aje. 15Ja we'n jel tsamal oj byejo'axan sok jel laman oj chaman, cho ti oj muk jan b'a mukan ja ma' ek' paxta a wuji. 16Yajnix sts'ikwi ja chane syen jab'ili, (400) wa wintil jumasa, ojxa b'ob' kumxuke jan b'a niwan schonab' iti, ja amorreo jumasa ma' ye'n ti aye ja ya'n b'a lu'um iti, mey sb'ej wax kila ja jastal aye'i, ja'yuj oj ka' eluke—.
17Yajni och ja k'ak'u och ja a'kwali, ti sje'a sb'aj jun orno wan elel stab'il, cho wa'n ajlel jun k'ak', ti ek' b'a snalan ja sb'ak'tel ja chante jumasa. 18Ja k'ak'u jawi, yala ja Dyos ay jas oj sk'u'lyi ja Abrami. Ti yal yab'a:
—Ke'n oj ka'yi wa wintil jumasa ja lu'um it wax k'ot b'a niwan ja' Egipto, masan b'a niwan ja' Eufratesi. 19Ja lu'um jumasa jawi swinkil quenita ja ma' ti' aye'i, quenizita, cadmoneo, 20hitita, ferezeo, refaita, 21amorreo, cananeo, gergeseo sok jebuseo jumasa—.
Цяпер абрана:
Genesis 15: YABD
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Sociedad Bíblica de México 2021