Luke 5
5
1Wa gil mī sī da kīkakaula tukiā lak, kās wuklilīḵ wātldum a sa Ike Gīkumī, la ī glāḵwātlā laḵ zulātlas Gennesaret,
2La dūḵwāklilā ḵā mātl sākilīsā huhhunīs laḵa zulātl; lā glā tī da kīkiaklīnūḵ la lotl tau lak, la zūḵwāh daḵw ḵīs kīkīglum.
3La laḵs ḵā num ī laḵa sākilīs, yiḵ uḵās Simon, la uḵkiālāk kās klāklāsatlī laḵa awīnagwis: la qāgaātluḵs kās kākūklamasī ḵā kīkakautla laḵa sākilīs.
4Wa gil mīs qātl yākuntāla, la nīk yiḵ Simon, klāsīstāla laḵa wunkula kās zunqāḵūda ūsa sūḵs kīkīglum ā kūs kā num pun stun de.
5Lī Simon nānāḵmī nīkiā, Gī, yāwīhiānūh sunbundā umḵ kānūkl, kīyos tānūḵ yānum ā: we lā glā ḵīs wātldum ūs, la mun zunqāḵūd kluḵ gada kīglumk.
6We gilhdaḵw mīs hī qīh īdī, lah dāḵw kītl‐zau ḵā kīnum māmāīmas: la ās qābanāqilī kīglumh daḵwas.
7Lah daḵw kiklā ḵīs nīnumūq laḵa num ī sākilīs ā, kā gāḵ daḵwīs giūhwīduk; wa gāḵ, kūtā mas ḵā mātl sākilīs, lah daḵw wunī nāqilā.
8La gla tī Simon Peter, yiḵs la ī dūḵwāklilāk, la humhwātluḵs laḵ giūgwayaus Jesus, nīgatauya, hāgia bo wun, A Gīkumī, kāḵ gin kūtī gāḵ yekīnāyī.
9Ka īḵs ḵunyāsa ī, gla wī da nāhwā kītl‐wuts, yisa kītl‐zau māma‐īmas yiḵ lah dāḵwī yānums;
10Glūh daḵw ḵa ī James, glū John, sāsum as Zebedee, yiḵ nīnumūqas Simon: lī Jesus nīk yiḵ Simon, qālā kitlil, gegaklilā‐kl lāq, la ums loklila kluk bagwānum.
11Wa gilh daḵw mis āklīstā mas ḵīs sīsākilīs daḵw laḵa awīnagwīs, lah dāḵw bo sa nāhwā, la lāskum īk.
12¶ Wa yiḵs la ī hī lī da gūqila, doḵ ḵā bagwānum kūtāḵ klukā‐ī: wa gil mīs dūḵ‐wāklilāḵ Jesus, la glāgālīsā, kās hawāḵulh‐īdīk, nīkia, Gīkumī, gil mī lāḵā kūs nīk lāḵ, lālā ḵus ek īda mas lāḵ gāḵun.
13Wa la sāh‐īd tsīs ayāsū, kās pāgaāklilīk, nīkia, la mun; wīga ek īduḵ: wa hīhīdā mīsī da klukā‐ī bos.
14La hayāklūlak kā kīyosīs nītla sūs lāḵ bagwānum: au umā hyī glātl lā, kās lā ūs nītlā sūs bagwānum īnayā kūs lāḵā priest, glū kās yāqa ūs ka īs la‐īnāyūs ek īda, nukutl taweḵ wātldum ūtlas Moses, kā k̤ālā‐gīla lah daḵwuk.
15Au mīs gla la klūmāh‐īd gwītl‐īdī da zikialum qāqīx‐al lāk: gāḵī da kīnum kīkakaula kāpīkū kās hūklīlī, glū kās ek‐īdā matsawī sīs īūzūlumh daḵwī.
16¶ Au mīs lā wunhīd lāḵā lūblabīs kās le hawāḵula.
17Wa laḵa numḵ sa nāla, yiḵs kākūklamasa ī, lā tā Pharisees gla wa kīkauklile ḵā law qātla nuhwātla, yiḵā gīgāḵaulīs lāḵā nāhwā gūqil lāḵ Galilee, glū Judæa, glū Jerusalem; la mī sī da tlāhwaya sa Ike Gīkumī kupetl gla wī kās hītlī.
18¶ Wa doḵ, bībagwānum gāḵ sa gīzauya ḵā tāgītl bagwānum tlītlilkinā: lah daḵw āle kās la‐īklīs, glū kās qulgālītlīs lāḵ nukumā‐lītlas.
19Wa kīs daḵw tā khā kās gāyaī glats kā ī da kīkakaula, lāh daḵw lāgūstau lāḵā ūgwes, kās dunāḵūdīk lāksau laḵa sela gla wīs tāgītl, nukukās lāk nukumā‐lītlas Jesus.
20Wa la dūqilāḵ ūqizālazīh dāḵwās la nīk, bagwanum, ḵīs yekīnāyūs la um dīgaklilāq lūkl.
21Lī da scribes gla wī da Pharisees k̤ākīstaāh‐īd, nīkia, ungwā zūḵ da yākuntāleḵ sa yāksamāḵ wātldum? ungwā zī da dīgaklilūdēḵ yekīnī, hīga ma ā gla sī da Ike Gīkumī?
22Dūqila mīs glī Jesus āk k̤ākīsta‐īnīh dāḵwas, nānāḵmī nīk lāhdāḵwuk, mā‐zīs k̤ākīstaāh dāḵwītla ūs lāḵūs nīnaukāya kūs?
23Wīzī da hūtlumātle, lāḵ nīk, ḵīs yekīnāyūs dīgaklilāq lūkl; glū nīkī, glāḵwīd kās kāsīda ūs?
24Kā glātl kās kauklilah daḵw mī lāḵūsa ḵā Ḵwanūqa sa bagwānum uḵnūgwādaās tlāhwayī laḵwa awīnagwīsīḵ kās dīgaklilūdīḵ yekīnayī, (la nīk ḵā tlītlilkin,) nīkin klūkl, glāḵwīd, kās dāgūstūda ūsāḵūs tāgītlīk, kās lā ūs lāḵīs gūqa ūs.
25Wa hīhīda mīs glāḵ‐wīd lāḵ nukumeh daḵwas, kās dāgūstūdī ḵīs qulātla ās, la qīstā lā lāḵīs gūq hyīlḵ tawī ḵā Ike Gīkumī.
26Wa nāhwāh daḵw mīs la ḵunyāsīda lah daḵw hyāshyīlā ḵā Ike Gīkumī, lah daḵw ḵā la kūtāḵ kitlilā, nīkia, ātlā yints dūqilāḵ umklā ḵwā nālāḵ.
27¶ We ātlā‐kāwīs gada, la lāwils, la dūqilā ḵā hātla‐kulilgis, glīkāds Levi, qātla lāḵā hatlākās, nīk yik, legīla gāḵun.
28La bo sīs nāhwā, glāḵwīd kās lega yīk.
29Lī Levi wālas qīlasuk lāḵīs gūq: la kīnum ī da hī‐hātla‐kulilgis gla wa ātl ūgwila yiḵā qātla lāḵā humāp glūhdāḵwī.
30Lī da Pharisees gla wī da scribes dāḵwās kiltālāḵ disciples‐as, nīkia, mās dāḵw zīs humāpītla glū nākā gla wa hī‐hātlakulilgis gla wa ya‐īksāmī?
31Lī Jesus nānāḵmi nīk lāh dāḵwuk, yik dāḵwī da ekī kīsī uḵīḵsda ḵā patīnūḵ, hī ga um glī da zīzihke.
32Kīsin gāḵ kun klīlālī ḵī da ekiā, hī glī yaīksamī kā māyātīs.
33Lāh dāḵw nīk yik; yiḵ disciples as John qātl‐qunālā ī kīs humāp, la mīs hawāḵulā, hī um ḵa a wīs ūgwāk qīgīlāt sa disciples ā sa Pharisees; lā glā tūs hūsā kūs humāpā nākā ḵād.
34Lī Jesus nīk lāh dāḵwuk, qīh īda as nūq mā ī kīs humāpī da glīglaglaula sa tlāwunum klī yīḵs kupetla ma ī da tlāwunum klī gla wī?
35La mīs glī gāḵ um klī da nālā kla yiḵ lāh dum klas uḵ īd sū klī da tlāwunum klī lāh dāḵwuk; lākl wīs gla kīs hīmaīkulākl lāḵ, lāk dum klas hī qīh īdkl.
36Wa lā ḵa ā nīk sa parable lāh dāḵwuk: kīyosa ī bagwānum qāpūd gāyūtlī lāḵ ālūmas qītl‐qela kās uḵāklilūdis lāḵā la ketl qītl‐qela; qākutla ī qāpīd ḵā ālūmas, lā ḵā ī da gāyūtl lāḵā ālūmas kīs hāyātlaul gla wa la ketla.
37Wa kīyos um ḵa ā wīs bagwānum uḵzūdis ālūmas wine lāḵā la ketl wine āzē, ā klī da ālūmās wine yumtl‐zā mas ḵā quzī, lā lāḵ gwuḵ‐īda lāḵ, lā lā ḵa ī da quzī yaksumh īda lāḵ.
38Lā glā tī da ālūmas wine uḵzūyū lāḵā ātlkīnas wine‐āzē.
39Wa kīyos um ḵa ā wīs bagwānum la nākaāgūtlā ḵā la kīmā sā nākīḵsduḵ ātlkīnas; kā īḵs nīkia ī yiḵā la ketl hī um ek ī.
Цяпер абрана:
Luke 5: Kwak
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Historical texts first published by the British and Foreign Bible Society 1882-1897. These texts were digitised for the Canadian Bible Society.