Luka NYA TSƆƆMI
NYA TSƆƆMI
Luka Sane Kpakpa a tsɔɔ wɔ kaa Yesu ji Israel Kpɔlɔ ɔ nɛ a wo he si ɔ, nɛ lɛ nɔuu ji je ɔ tsuo hu Kpɔlɔ. Luka ngma ke Nyɔmtsɛ ɔ Mumi ɔ hla Yesu ke e ba fiɛ sane kpakpa a ha nihi nɛ a ní ngɛ mɔbɔ, lɔ ɔ he ɔ, sanehi nɛ ngɛ womi nɛ ɔ mi ɔ tsɔɔ bɔ nɛ Mawu ngɛ he numi ha nihi nɛ ngɛ hiami slɔɔtohi a mi. A naa paa kaa bua jɔmi gbi ngɛ Luka womi ɔ mi. A naa enɛ ɔ ngɛ womi ɔ sisije blɔ kɛ nyagbe blɔ. Womi ɔ sisije ɔ gbaa wɔ níhi nɛ kɔɔ Yesu je nɛ ɔ mi bami he, nɛ nyagbe ɔ kɔɔ e hiɔwe yami he. Womi nɛ ɔ ngmalɔ ɔ kɛ̃ nɛ ngma “Bɔfo ɔmɛ a Ni tsumi” ɔ, nɛ lɛɛ e tsɔɔ bɔ nɛ hemi kɛ yemi ngɛ Kristo mi ɔ ba he si, kɛ bɔ nɛ e gbɛ fĩa, benɛ Yesu ho hiɔwe ya a se.
Sane pɔtɛɛ komɛ kaa níhi nɛ ngɛ womi ɔ mi dlami enyɔne ɔ, kɛ ekpane ɔ mi kikɛ nɛ ɔ, Luka Sane Kpakpa a mi pɛ a ngma ngɛ. Sane nɛ ɔmɛ ekomɛ ji la nɛ bɔfo ɔmɛ la a, bɔ nɛ to hyɛli ɔmɛ ba je a he kpo benɛ a fɔ Yesu ɔ, jokuɛyo Yesu ɔ ngɛ sɔlemi we ɔ; Samaria no nɛ na nɔ mɔbɔ ɔ, kɛ binyumu nɛ laa a. Womi nɛ ɔ mi tsuo ɔ, ní titli komɛ nɛ a je blɔ tu a he munyu ji sɔlemi, Mumi Klɔuklɔu, bɔ nɛ yihi je a he kpo ngɛ Yesu ní tsumi ɔ mi, kɛ bɔ nɛ Mawu kɛ yayami paa.
Bɔ nɛ a dla womi ɔ mi ha
Sisije 1.1-4
Yohane nɔ sɔlelɔ ɔ, kɛ Yesu a fɔmi, kɛ a jokuɛwi a si 1.5—2.52
Yohane nɔ sɔlelɔ ɔ ní tsumi 3.1-20
A sɔle Yesu, nɛ Abosiami ka lɛ 3.21—4.13
Yesu tsu ní ngɛ Galilea 4.14—9.50
Yesu je Galilea kɛ yaa Yerusalem 9.51—19.27
Nyagbe otsi ɔ ngɛ Yerusalem kɛ Yerusalem kasa nya 19.28—23.56
Nyɔmtsɛ ɔ te si, nɛ e je e he kpo kɛ tsɔɔ, nɛ e ho hiɔwe ya 24.1-53
Цяпер абрана:
Luka NYA TSƆƆMI: Dangme
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Bible in Dangme © Bible Society of Ghana, 2018.