ПСАЛТЫР 68:5-11

Тых, што ненавідзяць мяне бязь віны, болей, чым валос на маёй галаве: ворагі мае, што бязьвінна мяне перасьледуюць, набраліся сілы; чаго я не адбіраў, тое мушу аддаць. Божа! Ты ведаеш дурасьць маю, і грахі мае ад цябе не схаваны. Хай не пасаромяцца празь мяне тыя, што на Цябе спадзяюцца, Госпадзе, Божа сілы. Хай не пасаромяцца празь мяне тыя, што шукаюць Цябе, Божа Ізраілеў; бо дзеля Цябе я цярплю зьнявагу, і ганьбаю пакрываюць аблічча маё. Счужынеў я братам маім, чужынцам зрабіўся сынам маці маёй, бо клопат па доме Тваім пажырае мяне, і ліхаслоўе тых, што Цябе ліхасловяць, падае на мяне, і постам выплакаў я душу маю, і гэта робяць зьнявагаю мне.

Бясплатныя планы чытання і малітвы, звязаныя з ПСАЛТЫР 68:5-11