1 ФЕСАЛОНІКІЙЦАЎ 5:4-11

Але вы, браты, ня ў цемры, каб дзень застаў вас, як злодзей; бо ўсе вы - сыны сьвятла і сыны дня: мы - ня сыны ночы, ні цемры. Дык вось, ня будзем спаць, як іншыя, а будзем чуваць і цьвярозіцца. Бо, хто сьпіць, сьпіць уночы, і хто ўпіваецца, упіваецца ўночы. Мы ж як сыны дня, будзем цьвярозіцца, апрануўшыся ў браню веры і любові і ў шалом надзеі на збавеньне, таму што Бог вызначыў нас не на гнеў, а на атрыманьне збавеньня праз Госпада нашага Ісуса Хрыста, Які памёр за нас, каб мы, ці то чуваем, ці то сьпім, жылі разам зь Ім. Таму ўмаўляйце адно аднаго і навучайце адно аднаго, як вы і робіце.