Ninge 20

A nianga tupas no tunotuno nong i kure ira ut na ninge: Devit ga pit iakan ra ninge.

1 # Nng 50.15 Iau sasaring bia no Watong na taram ugu ing u kis narako ra harangungut.

I tahut bia no hinsana no God tane Iakop na nes mur ugu.

2Iau sasaring bia na tula harharahut meram ra halhaliana sibaan,

ma na haut be da hadadas ugu meram Sion.

3 # Ap 10.4; Nng 51.19 Iau sasaring bia na lik bakut leh ira num hartabar,

ma na bale leh ira num hartabar ing u ga tun.

4Iau sasaring bia na tar no masmasingan na kaatim taam,

ma na gil ira num lilik wara gilgil tiga linge bia na hanuat tutun.

5 # 1Sml 1.17 Het na kup ma ra gungunuama ing nu paas hasur ira num ebar,

ma het na tatik haut ira nuhet hakilang na gungunuama tano hinsana no udahat God.

Iau sip bia no Watong na pakile haruatne bakut ira linge u saring.

6 # Ais 58.9 Kaiken um iau nunure be no Watong i halhalon no tunotuno nong i te gilamis tar ie.

I taram ie meram hono uno halhaliana sibaan ram ra mawe,

ma na halon ie ma no dadas tano kata na limana.

7 # Nng 33.17; 2Sto 32.8 Ari diet nurnur ta ira karis ma ari diet nurnur ta ira hos wara hinarubu,

iesen dahat nurnur tano hinsana no Watong, no udahat God.

8 # Ais 2.11,17; Mai 7.8 Di sal hatudu diet ma diet puko,

iesen dahat, dahat na tut hut ma dahat na tur dikdikit.

9Watong, halon no king!

Taram het ing het tataau!

Цяпер абрана:

Ninge 20: gfkNTP

Пазнака

Падзяліцца

Капіяваць

Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце

Папулярныя біблейскія вершы з
Ninge 20