Папулярныя біблейскія вершы з LUKASI 7

Падзяліцца

A cyə m po'o siŋ o gɑ́ pu lɑ guŋ mhɔnwə myə́ awɛ nə shwyɛ' e. A ywə yə a gə tə́ e la'tə yəŋ tiŋ mɑ kuŋnyə a. Tə́ mo yə pu dɑ pɑ muywə mhɔnwə shwyɛ' e a, ŋkhuŋnyə e tə́ jɔm pɑ́. Yeso ghɔm bi mjwǐ bɔ gɑ: Pu lɑ mhɔnwə mǔ shwyɛ' o.

Yeso ghɔm bi mjwǐ bɔ gɑ: Piŋnthʉm ó vɔk o, ghɔ nə hwitə.

Nthiŋnyə jʉm mkwə Yeso. Dɔ̌, dɑ shyətsə e nə bvyə mkwə Yeso, dɑ nəŋthə e nə shi' biŋ núŋ mkwə myə́, dɑ mwɑ damnyəlamnyə bɔ nə shi'.

A ywə yə a la' gə tə jɔ gɑ ŋ kha ku'nyə nə sɔ' pɑ kwa' myə̀ jɔ o a. Ghɔm da' nwə mukhʉ a yɛ. Nə pa' myə̀ yə gɑ̌ ju'shwə pɔ pyə́ wap sa' a, gɑ̌ bɑ gɑ̌ ghə msəŋwi pyə gɑ sa' wap a: Gɑ̌ gɔm bi mu' gɑ ghɔ̌, e ghɔ; gɔm bi mu' gɑ sɔ̌', e sɔ'; gɔm bi ŋkwɔ a gɑ: Ghə yə̌ŋ, e ghə. Yeso lə yu' mghɔm mɔ̌ gɑ, nwə Tadyə msəŋwi bɔ puŋ e. E fɛ nɑ gɔm bi pɔ pyə wap lə́ bɑ́ jʉm é a gɑ: Gɑ̌ siŋ wɔ gɑ tə ŋkhəm pɑ́ Israɛl ŋ kha wuŋ jɔ yəŋ nthi piŋnthʉm.

A lə pɑ̌ pɑ́ cwə o bɔ, Yeso yɛ mgho nə pɔ jɔmyɔ̌m, jɛ mkho'tə, jɛ pɔ pyə zhwenyə cwəpuŋ lə ba ǎ ko nə pu a, biŋ gə mfʉ pɑ jɔ tsʉ'. E lə pa' bi pu gɑ: Po ghɔ siŋ Yohane ywə yə po jɔ a ba yə po ju' a. Mfʉ yɔ tsʉ', mkho'tə ghiŋ, mghɛ ka'pap lɔ́, mbu'mtəŋ yu'nwə. Mpfə pɔ yám nə vʉ̌, mpə̌ŋ yu' yap Cùŋ pɑpuŋ.