Папулярныя біблейскія вершы з Máàrk 16

Падзяліцца

Á ŋgə́ ɨ́ tànà ŋgáb ɨnè: «Gɨnáam ŋgɨ̀ŋgɨ́ŋ ɗɔ̀bí no bɨ̂ŋ, nyí a ɓéènà nùb lâs Kìn Nyɔ̧ɔ̧́.

Nɨ́ɨ́b sɨ̀sɨ̀rí nùb ə́mne mé kwá ndɨŋndé á rè: ɓe ɨ́r moò ŋgáb kwá jukɨ́ nyéhɨ̀b ɓáŋhɨ́b, ŋgáb kwá nyin nyindɨ́b heé. Ŋgáb ɨ́ bì nyó̧nɨ́b ɓe ŋgáár, kɨ́ kù ŋgáb tàŋndégɨ̀ mvùtù nyȩ́ȩ ɓɔ̧ɔ̧ yoo, nɨ́m ɓáŋhîn kù tɨ̀ nɨ ŋgáb ndɨ̀ŋ; ŋgáb kwá heiwú nɨ̀yáàb ŋgárɨ̀b só ɗà nùb kɨ́ a wáŋhȩ̀.»

Nò lâs kwá ə́əmndé, ɨ́ kɔ̀kcê kɔ ə́mní, kwá ɓáí. Nò kwá duce ə́ə̀mwáá, kwá meré nì̧ì̧ cumí ŋgéé no.

Nɨ̀fuùb noò ɨ́ gɨ̀cè ɓéètèèsénɨ Kìn Nyɔ̧ɔ̧́ yá lâs, Kéké a kpɔ́kgece ŋgáb ə́rɨ́b ŋgábè kɨ́ no; ŋgə́ a túumce ɨnayâna nɨ́ɨ́b ŋgáb du nyìnnɨ kɨ́ á àmɨɨr, ɓe nɨ́ɨ́b sɨ̀sɨ̀rí ŋgáb ya ndɨŋkomndé.]

Kí á wàánjí kɨ́ tana ŋgáb: «Nyí nɨ vùù óo, mɨ ɗəəŋtɨ́ nyí má Yésù nò Nàsàréèt kùb tɨ kpáaŋwú bɨ̧̀ɨ̧́ rɨ á, Mèín səəmcuhó̧tɨ́ nɨ́ ŋgə́, ŋgə́ nɨ hò̧ ɗàcɨ̀wá. Pə́náye yá kùb tɨ kɨ́k ŋgéé á rè.

Ɨ́dù ŋgáb góomso tíí, ŋgáb ɨ́ pê sɨɨ kàm tɨ hwè á nɨ́ gə́nȩ̀ȩ́ pɨ́ɨŋkí̧i̧, sɨɨ kɨ́ ya nɨ́ sɨɨ ŋgóbti nɨ sé. Ŋgáb ɨ́ lə́sò sèrìn, ŋgáb ɨ́ pê wàánjí kù ɓo ŋgáár lame ɗàá du̧ú̧, júk mɨ̀vɨ́rì só. Ɗà vùù ɨ́ bɨ̀ɓà ŋgáb cei.