Папулярныя біблейскія вершы з Lúkàs 5

Падзяліцца

Ɓwâ ŋgə́ yi nyincáaŋndé, ŋgə́ ɨ́ tànà Sìmôŋ ɨnè: «Gerésom kór ndɨ̀mnìn, nyíne nùb woò a wàhè mvɨ́njááb nyínè ɓè.»

Sìmôŋ ɨ́ tàcùnà Yésù ɨnè: «Tá, nɨ́m waasaa? séè, nɨ́m nɨ́m kù bɨ̀wá, ɨ́dù hȩ wu tànɨ u̧nèé, mɨ á wàànɨ.» Ŋgáb ɨ́ wààhácè mvɨ́njááb ŋgábè. Həré ɨ́ yúkɓà no cei há̧á̧ lí mvɨ́njábí ɨ́ yàrê tȩ́ȩ̀nɨ.

Ɨ́dù Yésù yaá fó̧kɨ́lɨ́ŋnɨ kpánȩ́ȩ́, gìnɨ yá nɨ̀vɨ́tɨ̀b du ɗàwáá, Mèín yóŋnɨ.

Mɨ mɨ gòwá ɓénɨ nùb ɗɨ́ɗɨ̧́, mɨ go mɨ ɓénɨ nùb ɓáŋhɨ́b á, àm ŋgáb a ɓàndè sumí.»

Ɓwâ Sìmóŋ Píyéèr yi pə́ u̧nèé, ŋgə́ ɨ́ cáàmsê ɗàá Yésùù tíí, ŋgə́ ɨ́ tà ɨnè: «Ŋgɨɨkɨ́ wu gín móò, Kéké, ɓetí mɨ mɨ cɨcóm á!»

Yésù ɨ́ tànà ŋgáb ɨnè: «Nùb du síí wááŋ bɨ gáínɨ tɨ́ŋgar ɗàà, nɨ̀yáàb ɨ́ du bɨ́ tɨ́ŋgar gáínɨ ru.

Ŋgáb ɨ́ gècùwò kwááì ŋgábè sɔ̀ɔ́, ŋgáb ɨ́ mbɨ́kkɨ́sò nɨ́ɨ́b kɨ́ lâs ɓè, ŋgáb ɨ́ tù bɨ́ Yésù.

Hȩ Yésù yi du kwɨ́í kù noò, nɨ̀ŋgwá njɨ̀njə́ kù ɨ́ féínsò. Ɓwâ ŋgə́ yi pə́ Yésùù, ŋgə́ ɨ́ cáàmfúùsê ɗàá, ŋgə́ ɨ́ yôŋ ŋgə́ ɨnè: «Tá, ɓè wu tɨ ɗúɓayeré naa, wu á ɓàhá ɓe nyòm wu cáaŋkɨ́na mɨ njɨ̀ɨ̀b mo rèè, mɨ a dùcù járkɨ́ták.» Kí á Yésù namne ŋgáár, ŋgə́ ɨ́ dì̧nè ŋgə́, ŋgə́ ɨ́ tà: «Mɨ ɗúmetɨ́ u̧, ducum járkɨ́ták!» Ɓè mu̧u̧, njɨ̀ɨ̀b nɨ̀ŋgwá rèè ɨ́ sùtè.

dugií u̧, wúúm Yésùù yaá gɨ̀ndóŋnɨ tíí tíí. Kùŋkùŋ nɨ̀vɨ́tɨ̀bì a ɓáalɨ́ŋháce gín nóò, óknɨ tɔ̀ɔ́ nóò. Nùb kù cè àm ŋgə́ wáaŋkɨ́na ŋgáb yáàb ŋgábè.