Папулярныя біблейскія вершы з Génesis 26

Падзяліцца

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi, cha'aye so Abraham ỹataqta aỹem ỹalaxaguet co'ollaxa, qataq ipacchigui na ỹa'aqtacpi, ỹamaxasoxonaxacpi, na iqataxacpi, qataq na ỹapaxaguenataxanaxacpi.»

Nache so Isaac, ca'ai yi'iye da taỹa so qaỹoqta 'alhua, qaq huaña, nache qaltaq nshe' aso lỹa ñi'illoxoqui. Qaq cha'aye saishet da qailoquigui asomaye, nache so Isaac, ỹanagui da le'enaxat, «Huesochiguiñi», cha'aye somaye, 'enapec: Nagui Ñim Nataxala', qomi' ỹanema da qomi' huesochiyiñi, da yaqto' ñequigaqtasheguem da souaqta'a ne'ena 'alhua.

Qaq huaña yemaye, nache Ñim Nataxala' nachaxana somaye, nache 'enapega, 'eeta': «Saishet qome da 'aỹa ye Egipto. Nacherata da qonaña qome cam 'alhua maye 'am samaxalec da qonaña

Qaq huaña, nache so Isaac, ỹo'ot aso lca'atoxonaxalate, nache iỹaxana da le'enaxat Ñim Nataxala'. Qaq somaye nache nalec se'eso 'alhua, nache som lamaxashecpi, nshe' aso ñi'illoxoqui.