Папулярныя біблейскія вершы з Mako 5

Падзяліцца

Yesu emuuzya kuti, “Mwana wangu, chichetekelo chako chakupulumusha. Nkhoya mu mtendele. Ulwele wako wasililatu.”

Penze mwanakazi enzovutika na ulwele wa mlopa kwa vyaka kumi na viŵili, ngankhale kuti enzoyavyiwa na singʼanga zinyinji. Eseŵenzesha ndalama zake zonse, koma mu malo mochila enzolwalilako nsita zonse.

Ekata chovwala chake, nipo ulwele wala wileka pameneapo; enzokumvwa mu mtima mwake kuti wapulumushiwa ku matamano ŵake.

Emukata kwanja wala mwana nomuuzya kuti, “Talita, koum,” kunena kuti, “Mwanawe, nukuuzya, uka!”

Akalulaŵila tetyo Yesu, kwiwela ŵanthu ofumila ku ngʼanda kwa Yailo nomuuzya kuti, “Mwana wako wamwalila. Osapitilizya kuŵatamanisha Asambizyi.” Yesu aliyoikeko nzelu ku venzolaŵila, emuuzya Yailo kuti, “Osachita mwezo, nkhala tyala na chichetekelo.”

Chenena teti chikomo chakuti Yesu enzolaŵila kuti, “Chiŵandawe fuma mwa munthu uyu!” Tetyo Yesu echikonsha kuti, “Zina yako niwe ŵani?” Chove cheyasuka kuti, “Nine ‘Chiumba’ chikomo chakuti tilimo anyinji.”