Папулярныя біблейскія вершы з Gn 4

Падзяліцца

Ta watx' tzet cha watx'nej, tzalojc'ulal mi ayach chach eq'ui, palta yob tzet max onej, xan a a yobtakil tu' t'ananxac'al oc en yet chach ayc'ay yuj, palta xin, chito je' ach chak' ayc'ay jun yobtakil tu', ẍi Cham.

Axa nak Set tu', max jay jun is c'ajol, cax max yak'on yik Enós. Atax yet jun tiempoal tu' max chalay el yich yoc eb anima yin ayilal bay Jehová.

Lajwi tu', max k'anlen Jehová bay nak Caín tu' axca ti': —¿Baytal ay nak oẍtak Abel? ẍi Cham bay. Axa tak'wi nak tu': —Man wojtakok. Tokwal yilomal in nak, ẍi bay Cham.

Max yalon pax Cham bay nak: —¿Tzet xan caytu' max onej? A is chiq'uil nak oẍtak max pulcantok sat tx'otx' tx'otx' oj tu', a' chi yal ba ayin yet chin watx'nen elok.

Axa max tak'wi Jehová: —C'amak. Ta ay mac ok ach mak'on camok, a jun mactxel tu' ukel ok ec' pak bay, ẍi Cham. Axa yaon oc Cham jun yechel nak Caín tu', yet watx' ta ay mac chi chaloj nak yuj, c'am chi mak'lay cam nak.