Папулярныя біблейскія вершы з ST. JOHN 6

Падзяліцца

Jesus dush oo‐oo oogeënaun, Neen suh nindow ewh bemahdezewine‐buhquazhegun; owh pahnaunzekahwid kahween tahpuhkuddase; kuhya owh duhyabwayanemid kah wekah tahkishkahbahgwase.

Mesuh owh Oojechaug bamahdezeëwad; ewh weyaus kahween ningood enahbuhtussenoon, enewh suh ekedowinun anenuhgoog, oojechaugwunoon kuhya bemahdezewunoon.

Kagoo ahnookeetunkagoon ewh meejim kabahnahduk, ewh atuh meejim kaähtag emuh kahgega‐bemahdezewining, mesuh ewh kaähshumenag owh Enene Oogwissun: me muh enewh kahkekenoowahjeähjin owh Kesha Muhnedoo.

Mesuh oo‐oo uhyenandung owh kahpeëzhenahzhahood, ahwagwan wuhyahbuhmahgwan enewh Wagwissemindjin, duhyabwayanemaud dush, cheähyaung ewh kahgega‐bemahdezewin: cheähbejebahug dush uhpe keïshquah‐kezheguk.

Jesus dush oogenuhquatuhwaun oo‐oo keënaud, Mesuh maunduh ooduhnookewin owh Kesha‐Muhnedoo, chedabwayanemag enewh kahpeëzhenahzhahwahjin.

Kuhkenuh enewh mahzhejin owh Noos ningahbenah-zekahgoog; kah dush bahpish ningahoonjesahgeche‐wabenahse owh kapenahzekahwid.

Simon Peter dush oogenuhquatuhwaun, Tabaningayun, ahwanan kanahzekahwungidebun? keen muh kedahyaunun enewh kahgega‐bemahdezewine‐ekedoowinun.

Neen suh nindow ewh bemahdezewine‐buhquazhegun keche‐kezhegoong kahpeöonjebahmahguk: kishpin dush ahweyah meejid ewh buhquazhegun, kahgenig tahbemahdeze: me suh ewh buhquazhegun kameegewayaun, neyaus suh goo, ewh kameegewayaun cheöonje‐bemahdezewaud egewh akeewejig.

Kahween ahweyah oodahkushketooseen chepenaunzekahwid, kishpin atuh owh Wayoosemind kahezhenahzhahood wekoobenaud: ningahahbejebahah dush uhpe ishquah‐kezheguk.

Oobuhquazhegunemun owh Kesha‐Muhnedoo ahwe owh keche‐kezhegoong kahpeöonjeed, owh suh mahnaud ewh bemahdezewin enewh akeewenejin.

Neen suh nindow ewh bemahdezewine‐buhquazhegun.

Jesus dush oogeöodahpenaun enewh buhquazhegunun; uhpe dush kahmahmooyahwad, oogemahdahoonaun enewh kekenooähmahgunun, egewh dush kekenooähmahgunug oogemahdahoonahwaun enewh namuhduhbenejin; kuhya dush gegooyun menik wahahyahwahwaud. Uhpe dush kahtabesinewaud, oogeënaun enewh ookekenooähmahgunun, Mahwundoonuhmook enewh ishquunjegunun, gagoo chewuneshinsenook.

Uhpe kahzhabwahyawaud koonemah nishtuhnuhahshe‐nahnun, koonemah nesemeduhnuh tebahbaun, oowahbuhmahwaun Jesusun bemoosanid emuh kechegummeeng, pashoo dush ahyahnid emuh nahbequauning, kesagezewug dush. Oo‐oo dush oodenaun, Neen suh nindow; gagoo sagezekagoon.