Папулярныя біблейскія вершы з SAN MARCOS 11

Падзяліцца

Ruꞌum aj reꞌ nikꞌor aweh tak chi chachꞌica̱ꞌ acꞌux tak chiri̱j i Dios ru̱cꞌ apahkanic tak maj reꞌ nicꞌ paꞌ nimal enapahkaj tak reh pan ti̱j, ewoꞌ ricꞌuꞌlej cho na̱ aweh tak i pahkanic naꞌn tak chiwach.

Til coric nikꞌor aweh tak chi hab ta nak wach eriban jenoꞌ pahkanic chi maꞌ eta ripohꞌaj nechꞌ ok ricꞌux, til woꞌ nak erilow wach haj wilic i ripahkanic. Jeꞌ reꞌ nok reꞌreꞌ eta nak rikꞌor reh Dios chi jeꞌ wili: ‹Chaꞌn chi reꞌ yu̱kꞌ wilic chi kawach wili, enelic je ayuꞌ eh eno̱j riyew ri̱b pan nim laj haꞌ, nqui ta nak reh, reꞌ Dios ewoꞌ nak ricꞌuꞌlej cho na̱ i pahkanic reꞌreꞌ.

Jeꞌ woꞌ chic, nikꞌor woꞌ aweh tak chi nachaꞌn ati̱j tak, wi hab wach jenoꞌ wilic rimahc awu̱cꞌ tak, chacuy tak rimahc reh chi jeꞌ reꞌ, wi wilic jenoꞌ amahc tak chiwach i kAja̱w Dios ar pan taxa̱j, ewoꞌ ncuyuric aweh tak.

Reꞌ Jesus jeꞌ wili xicꞌuꞌlej wi̱ꞌ chi cꞌahchiꞌ woꞌ quibiram rich aj tahkanel: «Maꞌ nsahchic acꞌux tak ruꞌum chi reꞌ Dios xiban jeꞌ ricab xnikꞌor reh che̱ꞌ wili. Chachꞌica̱ꞌ acꞌux tak chi reꞌ Dios naricꞌuꞌlem cho na̱ apahkanic naꞌn tak chiwach.

Ar ajic, nok ribanam chic chiꞌnchel reꞌreꞌ, reꞌ Jesus xoquic chi cꞌuhbalanic chi jeꞌ wili: «Maꞌ holohic ta cꞌahchiꞌca̱t tak maj pan Lokꞌ laj Hu̱j reꞌ wilic wi̱ꞌ riCꞌuhbal i Dios jeꞌ wili tzꞌihmbimaj cahnok: “Reꞌ pa̱t wili lokꞌonbal reh Dios nok wilic reꞌ nacaꞌnam wi̱ꞌ quiti̱j take cꞌacharel quichalic chi junsut tinamit. Jeꞌ reꞌ tzꞌihmbimaj pa riCꞌuhbal i Dios, xa reꞌ laꞌ hat-tak xacoj tak chi jenaj cꞌaybal reꞌ nawelkꞌaj tak wi̱ꞌ take tinamit, nqui tzꞌihmbimaj cahnok. «To̱b ta woꞌ awehtꞌalim tak chi jeꞌ reꞌ, reꞌ hat-tak xacoj tak chi jenaj cꞌaybal reꞌ nawelkꞌaj tak wi̱ꞌ take cꞌacharel ru̱cꞌ take cꞌa̱y naꞌn tak queh, nqui Jesus.

Jeꞌ woꞌ, reꞌ take riqꞌuihal i tinamit jeꞌ chi xam take chiri̱j eh jeꞌ chi pe̱t take chiwach jeꞌ wili nquikꞌor chi cow: «Kalokꞌej woꞌ tak wach i Dios reꞌ wilic cho ar pan taxa̱j. Kayew tak rilokꞌil i cꞌulic riban lok wili chi takꞌamaj cho ruꞌum i Lokꞌ laj Ajabe̱s Dios

eh kayew woꞌ tak rilokꞌil i naroquic wili chi kꞌatal kꞌoric chi kana̱ jeꞌ ricab naxwihꞌic cho chi kꞌatal kꞌoric i kaj najtir kꞌi̱j maꞌ Tawiy, nqui take.