Папулярныя біблейскія вершы з Jon 15

Падзяліцца

“Nana nambi torobihin kawa nanong, ba gimi kam geni ran. Aji ah man dok le nana ba nana nandok le aji nanong bi wan non masan manei kawu lengleng. Ba tigoah kanba dok nga le nana ba kan badi tenga nelel bwirite apma bwaleh.

Nanong ba karudok le nana, bi nana nandok le gimi. Wan nomi masan man bulong tigoah kanba dok nga le nana. Tapmak goah wan kawa mambulong tigoah ran kawa nanong man batka tenga nokon bujun.

Tigoah kandok le nana, ba dalek ni katrongo dini nana nong ba mandok le gimi. Bi apma nannga ah kan uhleli i nana, ba kaneli apma nanong.

Kat ba kitulute nana nga ba nat kitulu gimi. Bi nat vajuru gimi nuhu kan ban, bi wan nomi masan manmudok ngate, niah man badi tenga nenokte. Bi tigoah kanuhleli apma i Tadat li nana ba maneskani apma nanong mini gimi.

Moan mwegololoan niah manei non aji u walun non mweranni ba naah maneskani non masan u ni.

Mwedas gabarak sera ran kawa dini nana niah wan mambulong. Bi ran kawa goah matka nokok ba makmak ini metan goah manmudok ngate.

Nok dalek telingling ah namalngi mini gimi ba naah karu mwegololo i aji go. Tapmak goah nat mwegololo i gimi.

Bibi meresan kawu tokol mini Tadat entorah wan nomi masan modok. Bi entorah kam leli tapmak ba kanei mamjin nok tarut.

“Nana nambi mamjin kawa niah wan modok. Tadat bibi ajinan goah mwigit li ut leko nanong.

Aji ah teba dok nga le nana ba man geni ran kawa niah ramatgu bi mwedasan baiang. Ran kawa nanong ba ran apko vaut bwaleh bi ram gabarani vale kaba ut ah ran map iginan.

“Nambep tapmak mini gimi metan goah nok rongnan nokok tekabis batti le gimi. Bi rongnan nokomi batmugabis ngate.

Tigoah kanemko li nok dalek telingling, ba karu dok le nok mwegololoan. Tapmak goah namamko li dalek telingling non Tadat bi namdok le non mwegololoan.

Apma bwaleh ah namaskani mini gimi, nante ah karu mwegololo i aji go.”

Tigoah kabatei ajinan ut li uruu ba tarut at li uruu rabat mwegololo i gimi, gonani kabi ajinan ut li uruu. Ba nat kitulu gimi bi kat bamui ajinan ut li uruu nga. Bujun nanong nagoah tarut at li uruu ram gitriani gimi.