Папулярныя біблейскія вершы з San Mateo 9

Падзяліцца

Saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Tá káa ñaꞌa ya xa ndi̱xinu ni sikee yo, saa íin na yóꞌó, chi xa íyo ndúvi ni na kundikun na yeꞌe. Sundi loꞌo ni ku na xáa chiñu nuu i. Xaꞌa ya ñaa kua xíniñuꞌu ni ndo kaꞌan ndo xiꞌin Ndioxi, ya ná tiꞌvi ka ra naꞌa, na xaa chiñu ndikuiso na ñaꞌa, ya xa ndi̱xinu ni ―káchi Jesús xiꞌin nda ítaꞌan xiꞌin ra.

Xíniñuꞌu ndo kundaa vaꞌa ini ndo unkua kúni kachi Ndioxi nuu tuꞌun ra, ya káchi saa: “Kúni i ná kundaꞌvi ni ini ndo kuni ndo inka naꞌa, chi ya ñaa ka kua ndee ni ndee nuu ñaꞌa ya sóko ndo nuu i”, káchi tuꞌun Ndioxi. Saa chi yeꞌe, ta växi i xaꞌa na vaꞌa, xaꞌa na väꞌa vaxi i, kaꞌan i xiꞌin na ya ná ndiko koo ini na kundikun na ichí Ndioxi ―káchi Jesús xiꞌin nda fariseo.

Tá xíto ra nuu ndiꞌi na, saa ku̱ndaꞌvi ni ini ra xi̱ni ra na, saa chi ndóꞌo ni na. Ta ni köo naꞌa chindee ñaꞌa, tá íin na ndee ni ku̱naa saa íin na. Nda tá íin levo kiti köo xitoꞌo, saa íyo na.

Saa tá xi̱ni soꞌo Jesús ya ndi̱kaꞌan nda ikán, saa ndi̱kaꞌan ra xiꞌin nda, káchi ra saa: ―Na íyo vaꞌa ini, ta köo xíniñuꞌu na kuꞌun na nuu na xáa tatan naꞌa. Na kúꞌvi ku na xíniñuꞌu kuꞌun kutatan.

Saa xíka Jesús ñuu naꞌnu tin ñuu vali, xíniꞌni ra xíka ra sínaꞌa ra naꞌa, tá veꞌe ñuꞌu sinagoga, tá veꞌe ñuu xíka ra. Sínaꞌa ra na tuꞌun vaꞌa xaꞌa ichí ya xáꞌnda chiñu Ndioxi. Ndíkani ra nuu na, saa síndaꞌa ra na ndóꞌo ndiꞌi nuu kueꞌe.