Папулярныя біблейскія вершы з မဿဲ 24

Падзяліцца

နေရာတိုင်း​၌ မတရားမှု​ပြုသောသူတို့​သည် များပြားလာ​သောကြောင့် လူများစွာတို့​၏ ချစ်ခြင်းမေတ္တာ​သည်လည်း ခေါင်းပါးလာ​လိမ့်မည်။ သို့ရာတွင် အဆုံး​တိုင်အောင် ကြံ့ကြံ့ခံသော​သူ​သည် ကယ်တင်ခံရ​လိမ့်မည်။

နိုင်ငံတော်​နှင့်​ဆိုင်သော သတင်းကောင်း​ကို ကမ္ဘာတစ်ဝန်းလုံး​တွင် ဟောပြောကြ​၍ လူမျိုး​အပေါင်းတို့​သည်လည်း ထို​သတင်းကောင်း​ကို ကြားကြ​လိမ့်မည်။ ထို့နောက်​မှ ကမ္ဘာ​ကုန်ဆုံးချိန်​သည် ရောက်လာ​လိမ့်မည်။

သင်တို့​သည် စစ်ပွဲများ​နှင့် စစ်ဖြစ်မည့်​သတင်းများ​အကြောင်း ကြားကြ​လိမ့်မည်။ သို့ရာတွင် မတုန်လှုပ်ကြနှင့်။ ထို​အရာများ​အားလုံး​သည် ဖြစ်ပျက်​ရမည်။ သို့သော် ကမ္ဘာ​ကုန်ဆုံးချိန်​သည် မကျရောက်သေးပါ။

လူမျိုး​တစ်မျိုး​နှင့်​တစ်မျိုး၊ နိုင်ငံ​တစ်နိုင်ငံ​နှင့်​တစ်နိုင်ငံ အချင်းချင်း​ပုန်ကန်​၍ စစ်​ဖြစ်ကြ​လိမ့်မည်။ ကမ္ဘာ့​နေရာ​အနှံ့အပြား​တွင် အစာခေါင်းပါးခြင်း​နှင့် ငလျင်လှုပ်ခြင်းများ ဖြစ်​လိမ့်မည်။ သို့သော် ထို​အရာများ​အားလုံး​သည် ကျရောက်လာမည့် ကြောက်မက်ဖွယ်သော​ဆင်းရဲဒုက္ခများ​၏ အစ​မျှသာ​ဖြစ်၏။

ကောင်းကင်​နှင့်​မြေကြီး တည်မြဲမည်​မဟုတ်​သော်လည်း ငါ့​စကား တည်မြဲ​လိမ့်မည်။

အဘယ်ကြောင့်ဆိုသော် လူ​များစွာတို့​က ‘ငါ​သည် ခရစ်တော်​ဖြစ်၏’ ဟု ငါ့​အယောင်ဆောင်​လျက် ရောက်လာကြ​လိမ့်မည်။ လူ​များစွာ​ကိုလည်း လှည့်ဖြားကြ​လိမ့်မည်။

ထို့နောက် သင်တို့​သည် ငါ​၏ နောက်လိုက်များ​ဖြစ်သောကြောင့် ကမ္ဘာတစ်ဝန်း​တွင် ညှဉ်းပန်းနှိပ်စက်ခြင်း၊ သတ်ဖြတ်ခြင်း​နှင့် မုန်းတီးခြင်း​ကို ခံကြရ​လိမ့်မည်။ ထိုကာလ​၌ လူများစွာတို့​သည် ယုံကြည်ခြင်း​မှ လမ်းလွဲ​၍ အချင်းချင်း သစ္စာဖောက်​လျက် မုန်းတီးကြ​လိမ့်မည်။ ပရောဖက်​အတုအယောင်​များစွာ ပေါ်လာ​၍ လူ​များစွာ​တို့​ကို လှည့်ဖြားကြ​လိမ့်မည်။

ယေရှု​က “သင်တို့​ကို မည်သူမျှ မလှည့်ဖြား​စေရန် သတိပြုကြလော့။

ထို့ကြောင့် လူသား​သည် သင်တို့ မထင်မှတ်ထားသော​အချိန်​တွင် ကြွလာမည်​ဖြစ်​၍ သင်တို့​သည်လည်း အဆင်သင့်​ရှိနေကြလော့။

ထို့ကြောင့် သင်တို့​သည်လည်း သင်တို့​၏ သခင်ဘုရား​သည် မည်သည့်​နေ့​၌ ကြွလာမည်​ကို မသိကြ​သောကြောင့် သတိ​နှင့် စောင့်နေကြလော့။

သို့သော် ထို​အရာများ​သည် မည်သည့်​နေ့ရက်၊ မည်သည့်​အချိန်နာရီ​၌ ဖြစ်ပျက်​လာမည်​ကို မည်သူမျှ မသိ။ ကောင်းကင်ဘုံ​ရှိ ကောင်းကင်တမန်များ​လည်း မသိ။ သားတော်​လည်း မသိ။ ခမည်းတော်​တစ်ပါးတည်း​သာလျှင် သိတော်မူ၏။

အဘယ်ကြောင့်ဆိုသော် ခရစ်တော်​အတုအယောင်များ​နှင့် ပရောဖက် အတုအယောင်များ ပေါ်လာ​လိမ့်မည်​ဖြစ်​သောကြောင့်ပင်။ ထို​သူတို့​သည် ဖြစ်နိုင်​လျှင် ဘုရားသခင်​ရွေးချယ်ထားသော​သူများ​ကိုပင် လှည့်ဖြား​ရန် နိမိတ်​လက္ခဏာကြီးများ​နှင့် အံ့ဖွယ်​ဖြစ်ရပ်များ​ကို ပြကြ​လိမ့်မည်။

လူသား​သည် ပြန်ကြွလာ​သောအခါ နောဧ လက်ထက်​၌ ဖြစ်ပျက်​သကဲ့သို့ ဖြစ်ပျက်​လိမ့်မည်။ ရေလွှမ်းမိုးခြင်း​မတိုင်မီ ကာလ​၌ နောဧ​သည် သင်္ဘော​ထဲသို့ ဝင်သည့်​နေ့​တိုင်အောင် လူတို့​သည် စားသောက်ပွဲများ၊ ထိမ်းမြားစုံဖက်ခြင်းများ​တို့​ဖြင့် ပျော်ပါးနေကြ၏။ ရေလွှမ်းမိုး​၍ သေကျေ​ပျက်စီးသည့်​အချိန်​တိုင်အောင် သူတို့​သည် သတိကင်းမဲ့​လျက် နေကြ၏။ လူသား​ကြွလာသော​အခါ​၌လည်း ထို​နည်းတူ ဖြစ်​လိမ့်မည်။