Папулярныя біблейскія вершы з ᤋᤥᤗᤡᤱᤛᤥᤔᤢ 12

Падзяліцца

ᤀᤠᤱᤃᤠ᤹ ᤂᤧᤏᤧ᤹ ᤗᤳᤇᤠ ᤕᤶᤒᤠ ᤛᤢᤘᤠᤱ ᤆᤥ᤺ᤰᤏᤧ. ᤜᤧᤰᤁᤩᤠᤱ ᤂᤧᤏᤧ᤹ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤐᤡᤏᤧ॥ ᤀᤠᤱᤃᤠ᤹ ᤁᤧᤔᤡᤱ ᤋᤡ᤺ᤳᤗ ᤆᤥᤃᤢᤱ᤹. ᤜᤧᤰᤁᤩᤠᤱ ᤂᤧᤏᤧ᤹ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶᤗᤧ ᤁᤢᤒᤢᤱ ᤁᤧᤒᤥᤱᤗᤥ॥ “ᤂᤧᤏᤧ᤹ ᤜᤠᤱᤘᤠᤔᤢ᤹ᤀᤡ ᤁᤧᤒᤡᤒᤠᤜᤠ᤹ ᤀᤠᤱᤃᤠ᤹ ᤜᤠᤱᤘᤠᤔᤢ᤹ᤀᤡ ᤐᤡᤖᤢᤱᤛᤡᤱᤗᤥ. ᤜᤧᤰᤁᤩᤠᤱ ᤂᤧᤏᤧ᤹ ᤛᤠᤱᤃᤪᤠ ᤔᤠᤱᤍᤣ ᤁᤧᤔᤧᤵᤐᤠᤜᤠ᤹ ᤀᤠᤱᤃᤠ᤹ ᤛᤠᤱᤃᤪᤠ ᤔᤧᤳᤋᤢᤱᤛᤡᤱᤗᤥ॥ ᤂᤧᤏᤧ᤹ ᤗᤠᤶᤒᤠᤀᤣ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤔᤧᤄᤥᤛᤢᤖᤥ॥”

ᤕᤜᤘᤣ ᤍᤠᤱᤒᤠᤸᤗᤧ ᤀᤒᤪᤠᤶᤔᤡᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤗᤠᤈᤣᤗᤠᤶ ᤏᤢ ᤂᤧᤏᤧ᤹ ᤁᤧᤃᤠ᤹ᤀᤡᤜᤠ᤹ᤗᤠᤶ ᤜᤧᤰᤁᤩᤠᤱ ᤁᤧᤶᤒᤠᤖᤧ ᤁᤢᤜᤡᤶᤔᤥᤗᤠᤶ ᤗ᤺ᤴᤍᤧ᤹ᤀᤠᤱ ᤀᤠᤱᤃᤠ᤹ ᤀᤢᤛᤣ᤺ᤴᤎᤠᤰᤏᤧᤒᤠ ᤗᤠᤈᤣ᤹ᤀᤥ ᤐᤣᤃᤧ᤹॥

ᤂᤧᤸᤗᤧᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤠᤸᤗᤧ ᤔᤧᤳᤋᤢᤒᤠ ᤜᤧᤰᤁᤣ ᤀᤒᤪᤠᤶᤔᤡᤴ ᤌᤠᤛᤡᤱ. ᤜᤧᤰᤁᤩᤠᤱ ᤗᤢᤋᤧᤴᤏᤠᤱ ᤂᤢᤏᤧ᤹ᤏᤢ ᤐᤣ॥ ᤜᤠᤖᤠᤴᤗᤠᤶ ᤗ᤺ᤴᤍᤧᤐᤣ᤺ᤸᤗᤧ ᤀᤒᤪᤠᤶᤔᤡᤴ ᤏᤢᤒᤥᤱᤅᤠᤱ ᤅᤠᤛᤡ ᤋᤱᤒᤣ ᤁᤧᤖᤧᤀᤠᤱ ᤘᤕᤧ॥

ᤕᤜᤘᤣ ᤍᤠᤱᤒᤧᤴ ᤀᤒᤪᤠᤶᤔᤡᤴᤏᤢ ᤌᤠ᤺ᤶᤛᤡᤱ. ᤜᤧᤰᤁᤩᤠᤱ ᤂᤧᤴ ᤔᤧᤳᤋᤢ. “ᤀᤠᤱᤃᤠ᤹ ᤂᤧᤏᤧ᤹ ᤁᤧᤛ᤻ᤛᤠ ᤁᤧᤶᤔᤧᤴᤇᤠ᤹ᤜᤠ᤹ ᤁᤴ ᤗᤠᤈᤣᤴ ᤐᤡᤖᤢᤱᤛᤡᤱ᤹॥” ᤂᤧᤸᤗᤧᤆᤥᤃᤢᤸᤗᤧ ᤂᤢᤏᤧ᤹ᤏᤢ ᤁᤧᤎᤠ᤺ᤶᤛᤡᤱᤒᤠ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤂᤢᤏᤧ᤹ ᤂᤧᤵᤔᤥ ᤗᤳᤇᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴ ᤌᤡᤰ ᤆᤥᤃᤢ॥