Папулярныя біблейскія вершы з यूहन्ना 6

Падзяліцца

ईशु हुनमन ले बल्लो, “जीवना चो रोटी मय आय: जोन मोचो लगे ऐऊ आय हुन केबीई भूके नी होये, आउर जोन मोचो उपरे बिश्वास करू आय हुन केबीई पिआस नी होये।

आत्मा तो जीवन देऊ आय, देंह ले काई लाब नाई; जोन गोठमन मय तुमचो ले बल्ले से हुन आत्मा आय, आउर जीव बले आय।

नाश करतो बिती भात काजे मसागत नी करा, मान्तर हुन भात चो काजे जोन अमर जीवना तक ठेबु आय, जेके माने चो बेटा तुमके देये दे; कसनबल्लोने बुआ बल्लोने माहापुरू हुनचेई उपरे छापा लगालो से।”

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

ईशु हुनमन के जबाप दिलो, “माहापुरू चो काम ऐ आय कि तुमी हुनचो उपरे, जोन के हुन पठालो से, बिश्वास करा।”

जोन काई बुआ मोके देऊ आय हुन सपाय मोचो लगे ऐये दे, आउर जोन कोनी मोचो लगे ऐये दे हुनके मय केबीई नी निकरायें दे।

शिमोन पतरस हुनके जबाप दिला, “हे परबु, आमी काचो लगे जाऊँ दे? अमर जीवना चो गोठमन तो तुचीई लगे आसे

जीवन चो रोटी जोन सरग ले उतरली, मय आय। अगर कोनी ऐ रोटी थानले खाओत, तेबे हरमेशा जीव रदे; आउर जोन रोटी मय जगत चो जीव काजे देयें दें, हुन मोचो मास आय।”

कोनी मोचो लगे नी ऐऊक सकोत जिदलदाय ले बुआ, जोन मोके पठालो से, हुनके झिकुन नी धरो; आउर मय हुनके आखरी दिने फेर जी उठाये दे।

कसनबल्लोने माहापुरू चो रोटी हुनी आय जोन सरग ले उतरून भाती जगत के जीवना देऊ आय।”

जीवना चो रोटी मय आंय।

तेबे ईशु रोटी के धरलो, आउर धन्यबाद करून बसतो बितामन के बाटुन दिलो; आउर असने ची मछरीमन थानले जितरो हुनमन चाहते रवत बाटुन दिला। जिदलदाय हुनमन खाऊन भाती संतुष्ट होला तेबे हुन आपलो चेलामन ले बल्लो, “बाचलो बिती गोंदा के सकला कि काई बले पकाया नी जाओं।”

जिदलदाय हुनमन घाटते-घाटते तीन-चार मील चो लग-भग निकरून गेला, तेबे हुनमन ईशु के झील थाने हिन्ड़ते आउर ड़ोंगा चो लगे ऐतोर दकला, आउर डरला। मान्तर हुन हुनमन ले बल्लो, “मय आंय; डरा नाई।”