Папулярныя біблейскія вершы з Evvan 10

Падзяліцца

Suõl puätt pâi suâleed da kåʹdded da hiâvted. Mon leäm puättam, što seeʹst leʹčči kââllasvuõtt.

Mon leäm tõt šiõǥǥ peâmmai. Šiõǥǥ peâmmai oudd jiõggâs saauʒees ooudâst.

Muu saauʒ koʹlle muu jiõnnan, da mon toobdam tõiʹd, da tõk puäʹtte muu mieʹldd.

Da mon ooudam âʹǩǩpâjjsaž jieʹllem. Sij jiâ jääʹm ni kuäʹss.

Mon leäm uhss. Tõt, kååʹtt mâânn sizz muu pääiʹǩ, son kaʹjjââvv. Son vuäitt mõõnnâd da pueʹtted sizz da son käunn ǩeeʹdd.

Mon leäm šiõǥǥ peâmmai; mon toobdam saauʒään da saauʒ tåʹbdde muu.

Muu Eʹčč, kååʹtt lij siʹjjid muʹnne ouddam, lij šoorab puki. Ij ni ǩii vueiʹt suâleed siʹjjid muu Eččan ǩiõđâst. Mon da Eʹčč leäʹp õhtt.»

Nuʹt mäʹhtt Eʹčč tåbdd muu, toobdam mon Eččan; da mon ooudam jiõggan saauʒi ooudâst.

Ij ni ǩii tõn vääʹld, leša mon ooudam tõn jijstan. Muʹst lij väʹldd uʹvdded tõn, da muʹst lij väʹldd väʹldded tõn väʹst; tõn päkkmuužž mon leäm vuäǯǯam eʹjstan.»

Nuʹt Isõs veâl cieʹlǩi siʹjjid: «Tuõđi, tuõđi mon ceälkam tiʹjjid: mon leäm saauʒi uhss.

Päʹlǩǩuum reâuggai iʹlla ni mõõnnallšem peâmmai, tâʹl saauʒ jeäʹla suu jiijjâs. Ko son vuäinn kuuʹmp pueʹttem, tâʹl son kuâđđ saauʒid da čõʹǩǩad; da kuʹmpp ǩeâškad da pieʹđjat tõid.

«Tuõđi, tuõđi mon ceälkam tiʹjjid: ǩii ij mõõn sauʒʒkärddsa uus mieʹldd, leša kuärŋŋ tåk jeeʹres sââʹjest, lij suõl da pääkast.