Папулярныя біблейскія вершы з यूहन्‍ना 19

Падзяліцца

ओहले येशूगी ओ़ह कुहन्‍डुमकी-निङगु क्‍युर्पु छ्ये नाङसीन ओहले येशूगी, “ता़हनी ङाहती ल़ेह थाम्‍ज्‍यीराङ सिहन्‍सीन” म़ेदी सुङ नाङसीम्‍बाराङ उ माहर कुहर जेती टोहङ नाङसीन।

ता़हनी ङाहती ल़ेह थाम्‍ज्‍यीराङ सिहन्‍सीन म़ेदी येशूला थुयी़ ओहङ फान्‍ज्‍यो सुङरापला सुङ नाङग्‍योकी स्‍याहलया़ ऱेह-ऱेह पेहती तेहन्‍दा डुप ख़ूज्‍यु म़ेदी येशूगी, “ङाह खा कोम्‍सीन” म़ेदी सुङ नाङसीन।

राहङगी आमा दाङ मिहरोगी च्‍याहम्‍बा जे नाङग्‍योकी स्‍याहप्‍च्‍यीला राहङ पोहलाराङ लाहङदी तेहक्‍यो ज़ी़दी येशूगी राहङगी आमाला सुङ नाङसीन, “आमा ज़ी़-नाङदोङ, राहङगी पुह!” ओहले ओ़ह स्‍याहप्‍च्‍यीॱलाङ येशूगी सुङ नाङसीन, “त़ेदोङ, ख्‍येती आमा!” ओ़ह ङ्यिहमा यिहन्‍ज्‍यु ओ़ह स्‍याहप्‍च्‍यीगी येशूगी आमाला राहङगी खाङबाला ख्‍येर्सीन।

ओ़ह तिङले येशूगी स्‍याहप च्‍या़ज्‍ये छोल्‍गेमु मिहरोनी टोहङ सिहन्‍ग्‍यो दुबा। ओ़ह सोङबे खुङया़गी येशूकी स्‍याहप मा़हच्‍या। यिहॱनाङ माक्‍मी च्‍यी़गी येशूकी ची़मा चो़ला दुङगी चो़सीन, ओहले चो़लुङ म़ेहबा ठा़ दाङ छ्यु थेन्‍सीन।

“मिहरोकी रेहको च्‍यी़ॱआङ च्‍या़ज्‍ये म़ेह” म़ेदी सुङरापला प्रुहक्‍योगी स्‍याहल तेहन्‍दा डुप्‍च्‍यु म़ेदीराङ दि रोहवा काहल्‍ग्‍यो यिहम्‍बा। ओहले लेहमेन ग्‍या़ॱलाङ सुङरापला दि ल़ेहमु म़ेदी येहबा, “दुङगी चो़क्‍योदीला खुङया़गी ताज्‍ये येह।”

येशूगी राहङगी क्‍याहङस्‍यीङ खुर्ती काब्‍ली माएँ ग्‍या़ला फेप नाङसीन, हिब्रू ताम ङो़ले ओ़ह ग्‍या़ला गल्‍गथा म़ेदी माएँ।

ओहले माक्‍मीया़गी छेर्मागी थ़े जे़दी येशूगी उला केन तेर्सीम्‍बाराङ क्‍याहल्‍बुया़गी केहन्‍गेन ल़ेहमु मुहक्‍पु काप्‍च्‍या केन तेर्सीन।