Папулярныя біблейскія вершы з ปะทมมะกาน 32

Падзяліцца

อะจวยฮ​อะกี​เลิด​เวา​ปาย ‍ "ละมึฮ​คอง​ไม​ซี​ตัอ​มีน​นัง​ยาโคบ ‍ ฮัก​ไม​ซี​เบิน​ละมึฮ​ตะไม​ปาย ‍ อิซราเอล ‍ ไม​ซี​เบิน​ละมึฮ​อังกิ​พอะ​ไม​ซู​กับ​พูซาง ‍ ซู​กับ​กวย​เต ‍ เจอ​ไม​ก็​ปัน​พู​นาก็​เป" ‍ (อิซราเอล​อะไน​เบิน​คูอม​มาย​ปาย ‍ ซู​กับ​พูซาง ‍ ลือ​พูซาง​ซู)

เจอ​อะจวยฮ​อะกี​ก็​เวา​นึง​ยาโคบ​ปาย ‍ "แจะ​อี​ป็าง​เจอ​ได ‍ ไม​ก็​ปะตาฮ​กึ​จิ​ลาะ" ‍  ฮัก​ยาโคบ​บัด​เวา​ปาย ‍ "อังกอะ​ซี​ตัอ​ปะตาฮ​ไม​อัมปิน ‍ ค็าน​ไม​ตัอ​อวยพอน​ออ์น​อังกอะ​วาย" ‍

ฮัก​ซะเดา​กี​ยาโคบ​นัง​ตุน​ปัอะ​อัมปิน ‍ นัง​อัอด​ตี​กี​อัอด ‍ อัอด​มะนาะ ‍  เจอ​เบิน​กวย​มะนาะ ‍ นาก็​ตัอะ​ละซู​ตัอะ​ละงอะ​กับ​ยาโคบ​จน​คอน​อี​ป็าง ‍

ยาโคบ​เลิด​อะโร​บอน​กี​ปาย ‍ มินมุฮ​คอง​พูซาง ‍ เจอ​อัน​ก็​เวา​ปาย ‍ "โป ‍ อังกอะ​เบิน​โฮม​พูซาง​กับ​มัด​เจอ ‍ ฮัก​อัน​ก็​นัง​จง​ซีวิด​คอง​อังกอะ​อะดอะ​อัอด" ‍

บัด​อะจวยฮ​อะกี​ด็าง​ปาย​อัน​ซี​ตัอ​เป​ยาโคบ ‍ อัน​เลิด​กอ์บ​เงา​โล​คอง​ยาโคบ ‍ เงา​โล​คอง​ยาโคบ​เลิด​ละคลวยะ ‍

อะจวยฮ​อะกี​เลิด​อะบลัฮ​ยาโคบ​ปาย ‍ "ไม​ละมึฮ​อันเตริว?" อัน​ก็​ตอบ​ปาย ‍ "ละมึฮ​ยาโคบ" ‍

ซัง​อังกิ​ยาโคบ​เลิด​อะบลัฮ​อะจวยฮ​อะกี​แอน​ปาย ‍ "เจอ​ไม​เด ‍ ไม​ละมึฮ​อันเตริว?" ฮัก​อะจวยฮ​อะกี​บัด​เวา​ปาย ‍ "ตะนาะ​ไม​จัง​อี​ด็าง​ละมึฮ​คอง​กึ?" ‍ เวา​อังกิ​เจอ​อัน​ก็​อวยพอน​ยาโคบ​อัอด​ตี​กี ‍ เจอ​ก็​ดิ​ปัอะ ‍

อังกอะ​ตัอ​ซมควน​ไง ‍ นาก็​ซี​ออ์น​ไม​อะยอ์ะ​เปง ‍ ไม​ก็​จูอย​อังกอะ​อับ​อะเลอ​เจอ ‍ ตาะ​กือ​นาก็​ไม​เกย​ซันญา​อะดอะ​อะกี​ออยะ ‍ นึง​ซวง​นาก็​อังกอะ​ยาง​อัมเปะดัอะ​จอแดน​ปัอะ​ซุด​กี ‍ อังกอะ​ก็​ตัอ​เบิน​อันเตริว​อะปัอะ​นำ​ไง ‍ เบิน​มัง​อะลูอง​ไมค็านเทา​มู​ลำ​ซัง ‍ ฮัก​จะนูอ​อังกอะ​ก็​เบิน​อันเตริวแม​อับ​เจอ ‍ จน​เบิน​อัมแปะ​ปัน​บาล​จุม ‍

เจอ​ฮาไน​กวย​อิซราเอล​ก็​ซี​ตัอ​จีา​นัง ‍ เอ็น​นาก็​อัอด​นึง​เงา​โล​คอง​ซัด​อะกี ‍ อะไล​ตัอ​จีา​ญูอน​นาก็​พูซาง​ตาะ​ออ์น​เงา​โล​คอง​ยาโคบ​ละคลวยะ​อะกี​ออยะ ‍

เจอ​ฮาไน​ยาโคบ​ก็​อะทิดทาน​จอ์ะ​พูซาง​ปาย ‍ "ซาตุ​เดอ ‍ พูซาง​พู​ปัน​พะเจา​นาก็​อับราฮัม​อะจวยฮ​อังกอะ ‍ กับ​อิซอัก​อัมปูอ​อังกอะ​เกย​ทือ​แตเกา ‍ เยโฮวา​เอย ‍ ไม​อะกี​ออยะ​ปัน​พู​นาก็​อะตัอง​อังกอะ​ออ์น​ลับ​ตัอะ​จอ์ะ​วีล​เตียะ ‍ ลับ​ตัอะ​จอ์ะ​แซมอัอย​คอง​อังกอะ​แอน ‍ ไม​ซันญา​ปาย​ซี​เฮะ​ซี​กรัว ‍ ซี​ตัอ​ตาฮ​อังกอะ ‍

ไม​เกย​ซันญา​ปาย​ซี​อวยพอน​อังกอะ ‍ เจอ​ก็​ซี​ออ์น​เซือซาย​คอง​อังกอะ​แพพาย​เบิน​อับ​ซำ​กลอง​กะแตะ​จัวฮ​นึง​ปึฮ​ทะเล ‍ อับ​จน​ซี​นับ​ตัอ​กู ‍ เจอ​จะนูอ​อังกอะ​ก็​แซก​ออ์น​ไม​จูอย​อังกอะ​แอน ‍ อังกอะ​แซก​ออ์น​แว็ด​นึง​เดอ ‍ นาก็​เอซาว​อัน​กึด​ตัอ​ก็าก​ตัอ​ออ​จอ์ะ​อังกอะ​อะไน ‍ อังกอะ​ก็​อังกอฮ​อัน​อะเลอ ‍ อังกอฮ​ปาย​อัน​ซี​ตรายฮ​อังกอะ ‍ เจอ​ก็​ตรายฮ​ทัง​กอน​ทัง​ละกวย​คอง​อังกอะ​เต ‍ แซก​ออ์น​ไม​จูอย​อังกอะ​นึง​เดอ" ‍