Папулярныя біблейскія вершы з Yuxan 6

Падзяліцца

Iysa olarǵa bılay dedi: – Men – ómir nanıman. Maǵan kelgen adam hesh qashan ash bolmaydı hám Maǵan isengen adam hesh qashan shóllemeydi.

Ruwx ómir beredi, al dene payda keltirmeydi. Sizlerge aytqan sózlerim ruwx hám ómir.

Sizler ótkinshi azıq ushın emes, al máńgilik ómirge jeteleytuǵın azıq ushın miynet etińler. Onı sizlerge Adam Ulı beredi. Óytkeni Quday Áke Oǵan Óz mórin basıp, biylik berdi, – dedi.

Ákemniń erki – Onıń Ulın kórip, Oǵan isengen hár bir adamnıń máńgilik ómirge iye bolıwı. Men onı aqırǵı kúni tiriltemen.

– Qudayǵa unaytuǵın is – Onıń Jibergenine iseniw, – dep juwap berdi Iysa.

Ákemniń Maǵan bergenleriniń hámmesi Maǵan keledi. Maǵan kelgenlerdi hesh qashan quwıp shıǵarmayman.

Shimon Petr juwap berip: – Iyem, bizler kimge baramız? Sende máńgilik ómir sózleri bar.

Men – aspannan kelgen tiri nanman. Eger kim de kim bul nandı jese, máńgi jasaydı. Dúnyaǵa ómir beriw ushın, Men beretuǵın bul nan – Óz denem.

Eger Meni Jibergen Ákem alıp kelmese, hesh kim Maǵan kele almaydı, al Maǵan kelgendi aqırǵı kúni tiriltemen.

Sebebi Qudaydıń nanı aspannan kelip, dúnyaǵa ómir beredi, – dedi.

Men – ómir nanıman.

Sonda Iysa nanlardı alıp, Qudayǵa shúkirlik etti de, otırǵanlarǵa úlestirip berdi. Sol sıyaqlı, olarǵa balıqlardı da qálegeninshe bólip berdi. Hámme jep toyǵanda, Iysa shákirtlerine: – Awısqan bóleklerin jıynap alıńlar, hesh nárse zaya bolmasın, – dedi.

Shákirtler bes-altı shaqırımday júzgennen soń, kóldiń ústi menen júrip, qayıqqa jaqınlasıp kiyatırǵan Iysanı kórip, qorqıp qalıstı. Biraq Iysa olarǵa: – Bul – Men, qorqpańlar! – dedi.