Папулярныя біблейскія вершы з Yohani 2

Падзяліцца

I Kana no Kalili a midmak ci Yis tonini a sa'ayaway a kafahka'an a dmak. Itira a pahapinang Cingra to nika tadamaan Ningra. Saka, paso'lin sato ko nisawawaan Ningra i Cingraan.

Pasowal sa ci Yis i cingraan, <<Inaaw, aka patado Takowanan a papidmak to maan. Caho ka raod ko pidmakan Ako,>> han Ningra.

Pasowal ci Yis i cangraan, <<Tomesen a miparo to nanom kora koreng,>> han Ningra. Saka, tangasaen nangra i ngoyos noya koreng ko nipitomes to nanom. Pasowal sa ci Yis i cangraan, <<Dada, hacolen a patayra i citodongay to tahka,>> han Ningra. Saka, patayra hanto nangra.

Paca'of sa ci Yis, <<Plengen konini a Fangcalay Pita'ongan, ta liyawen Ako a patireng to tolo a romi'ad,>> han Ningra.

Sanga' sato ci Yis to ka^red a sasti'. Laplapen Ningra cangra a ma^min a pasadak nai Fangcalay Pita'ongan, halosiri ato kolong. Warwaren Ningra ko payci noya mifalicay. Walinen Ningra ko cokoi nangra. <<Alaen konini a ma^min a pasadak! Aka palapatiyamen ko Fangcalay Pita'ongan no Wama Ako!>> han Ningra koya pacakayay to topi a tamdaw.