Папулярныя біблейскія вершы з युहान्‍ना 14

Падзяліцца

का नेलाइहेङ सान्ति पितेङ हानाङका, माकुनु इङको सान्ति जेदोङ का दोफा हि। या सान्ति इदोइ सुमिङको पिका भाइका माको कालाउ नेलाइ दुख मामानिसु कालाउ माअ्थिसु।

येसु थोमाहेङ दोअ्हि, दामा, सत्ये, कालाउ जिबन पिका का दोङ हिघा। का बाहेक हासु बुङ आबाकोता हानिलि माद्वाङ।

येसु चात्यागेलाइहेङ दोअ्हि, नेलाइ दुख मामानिसु। नेलाइ ताइको खाङधुरि परमेस्वरता ताअ्सु कालाउ का ह्रुता बुङ ताअ्सु।

कालाउ साल्लाहाकार पबित्तरो आत्मा, जाइहेङ काङको आबा काङको थामेता दिङगिल्प्यावा, कालाउ वा नेलाइहेङ गोताङ काथा धिरपावा, कालाउ का नेलाइहेङ दोअ्का गोताङ काथा फोम पापावा।

कासेहेङ प्रेम पाकालाइ ओदोङ दोङ हि, जाइ काङको आग्यागेलाइ गिखे कालाउ केम्खे। कालाउ कासेहेङ प्रेम पाकालाइहेङ काङको आबाहेङ बुङ प्रेम पावा। कालाउ का बुङ वासेहेङ प्रेम पाङका, कालाउ ताइमिहेङ वाकोता देखाल जेनाङका।

कालाउ का आबा दोफा बिन्ति पातेङ ह्रेकाङका, कालाउ वा दोङ नेलाइहेङ भेनेङ साल्लाहाकार दिङगिल्प्यावा कालाउ वा चाहि जेलाउ बुङ नेलाइ दोफा ह्यावा। वा पबित्तरो आत्मा हि, जाइ सत्येता थोङपुखे। सुमिङको द्‍याङगेलाइ इङकोहेङ ग्रहन पालि मादोअ्खे, हाइपालिपानु सुमिङते वासेहेङ ना ते तिङखे ना ते नाल्खे। कालाउ नेलाइ पबित्तरो आत्माहेङ नाल्सुखेना, हाइपालिपानु वा नेलाइ दोफा हिखे, कालाउ वा नेलाइता हिखे।

नेलाइ काङको मिङता हाइ दोङ ह्रेलाउ बुङ चान पाहासो आबाको महिमा ज्याको दोअ्तेङ इङको का पाअ्प्याङका। नेलाइ काङको मिङता हिदोइ बुङ आनेमाने ह्रेसुना पानु का इङको पाअ्प्याङका।

जेसापा नेलाइ कासेहेङ प्रेम पास्वाना पानु काङको आग्यागेलाइ केम्स्वाना।

काङको आबाको साअ्ता हिका थामेगेलाइ हेन्जा हि। एन्सा माकोनु का नेलाइहेङ मादोअ्धाङका हाइपालिपानु का नेलाइको भाअ्सिङ थामे तियार पालि हानिदोङखा।

का हानितेङ नेलाइको भाअ्सिङ थामे तियार पालि दोतेङ का आरोङ घुरितेङ ल्वाङका, कालाउ का दोफा हिलि चुम्पाङका, कालाउ का जेता ह्याङका इन्ताङ नेलाइ बुङ हिस्वाना।

थोमा येसुहेङ दोअ्हि, हे प्रभु, नाअ् हिसो हानिदोङखेना, केलाइ मागिनाखे, कालाउ केलाइ इङको थामेता हानिका दामा हेसा नाल्लि?