Папулярныя біблейскія вершы з Gênesis 3

Падзяліцца

Waneya suxo texinixkalu hahmuna, kihle sahkaka rixyawaka tshinanu pnikkolu tikahwaklu hiyrunu toyhale texyalu kihleru hahmunni tet-sotanutlu pnute timaxyawakhimapa. Hiyáhoni hisahi tkomlaka, tniklu, thanuru koxa tumluka, hnik-koxlu wale.

Seyni himnu jimatkalerni wale pimrine hocha hajeru Hoyakalu kamhalene yohnik-himatkalru, wane htshinro suxo: — Hoyakallahe hi hitshinikletyi ptowruka hitaklu hwiywaka hajeru?

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Waneya Hoyakalu wan-tshinro suxo: — Psalewnanu ptshinowaxinipa yohnik-tshinpotu petanutshi. Katshinpotpaklu hmatuxinpatka piwhene. Wanepnawaka ptowutjerupni phanuru, pixa kamhanru ptowruka ralukleru.

Hiyáhoni pihoji ruchpajini puhkokha pnikleru pkochpajyawakapa haté pupnanu psatkapanu tshiji klu tshinanu tshiji kamhikolyi. Kajpapahyi, kajpa pahiko pixinixnakwa.

Waneya Hoyakalu wan-tshinru Adão: — Pixa niklu hejnuji wane ntshinyi hi pnikanru seyni pyijnaktokanutlo phanunro. Hiyáhoni hektutkalu tshiji pixa tshinanu, tsru kamrurtshi potuko pkamhinri pnijinri, ptowru hohneruko piwekka pchinika.

Waneya repomhalu Hoyakalu: — Ha hanu hixa himatletlu machkopiru hixyawaka? Hnikatkalhe hahmuna sahi nmitshiniklexyahi?

Hiyáhoni maleka hyokanatka jeji. Waneya hma satkapyawakanupa Hoyakalu hitaklu, Hoyakalu towrerune tkatshi hichpajyawaka sreta rutakna Hoyakalu. Hiyrun-koxa rutaklu satu yohlolewapi hitokote ruchpakmeroxya tshitshi, psoluka hsajrukmerota, rinoxyawakaplu hatnu hapo hahmuna hiwejikaluru heneklewatatshri nwak-hapo.

Waneya Adão hiwakatlo hhanunro Eva klu tshinanu ptowru yineru hinropatkani.