Папулярныя біблейскія вершы з Kutachika 26

Падзяліцца

Shakamaku tuhu mwituŋa dinu, ninami nakekala neyi, nakakukoolekesha. Nineyi nianyaneyi nakayinka matuŋawa ejima, nakakolesha nimukusanyika kunasanyikili natata yeyi Abarahama.

Nakavulisha anyaneyi neyi tutumbwa twamwiwulu kuvula, anyaneyi nakayinka matuŋawa ejima, kudi anyaneyi nyunza yahamaseki yejima yakawenaku kukooleka, nanochu chovwahililiyi Abarahama mwizu dami, nakuhemba munakanini, nimunamulejeli, nimuyidika yami, nimunshimbi jami.

Wafumini kwenoku, hakupunda niishima dikwawu. Denodu hiyadifwilaŋenenuku. Hakuditumba niijina daRehoboti, (Mwiluŋa mwakushakama) nindi, Ichi dinu Yehova natushili mwakushakama, mwituŋa twakavulilamu.

Yehova wadimwekesheli kudi yena, hakumwila nindi, Bayi wukunkumuka wuyi muEjipituku, shakamaku mwituŋa dinakakuleja.

Kwenoku watuŋililuku kameŋa kakulambwila, hakutambika niijina daYehova, hakulemenaku niitenti dindi. Kwenoku aŋamba jaIsaka apundiluku niishima.