Папулярныя біблейскія вершы з Neto'te 1

Падзяліцца

Nsi tshob ndù: Be nabte mènntùn z'a fute be là, num mfuni be, a ke ntô ngontse ts'a dibantse là, nsaṅ mi a mfe kamànyam nà, nyàm nke'nke' num njoṅ nsitsha' fa, boa njoṅ nyàm fa tse bo be nsoṅ bam sob num nsitsha' là. Nsi nabte mènntùn num mfuni mi, nabt'é num mfuni Nsi. A nabte yube, mandum bo mènnzwi.

Nsi yab kàn bo, ntshob ndù: Bin bwe, nzwit zin yàme, ndun num nsitsha'a, nke ntô ngontse ts'a dibantse là, nsaṅ mi a be mfe kamànyam nà, boa njoṅ nyàm tshwèt fa tse bo be nzinte num nsitsha' là.

Neto'te, Nsi nabte kamànyam bo tsha'a.

Tsha' na' mb'a netob, mbe nge. Njam lo kabte num gheme, ywèt Nsi nke nyi'te num ntse.

Nsi tshob ndù: A bwô ndù làn be, làn be.

Nsi yen tshu ts'a nabte là, njen ndù a bwô neshu. Mfetnjù be, nkebnjù be. A b'a mbatte lé'njù ntôge.

Nsi yen ndù làn bwô, mfagte nelàn num njame.

Nsi tshob ndù: Tshù, me fà mba zit nenà lo z'a be num nsitsha'a, ngù nzwil i là bin, mfà mba sit tù lo s'a be njame, nke ngù nzwil i là bin. Ntàm mub nsi be jujù zine.

Nsi tsiaṅ làn ndù mbwôgtshù, ntsiaṅ njam ndù tèttswe'. Mfetnjù be, nkebnjù be. A b'a mbwe lé'njù.

Nsi tshob ndù mo' kub ju neta tum mbe netèt ntse, mfagte ntse nkam mbàa, mbe netèt bwe. A be ndùlala.

Njoṅ nyàm tshwèt fa, njoṅ nsaṅ fa mfe kamànyam, njoṅ nyàm nesoṅ bam sob nsi fa, boa njoṅ tshu fa tse bo be nzwiag là, me fà nenà bo mba jujù yub là. A be be ndùlala.

Nsi tshob ndù: A bwô ndù tshulàn be mfe bam kamànyam nke mfagte mbwôgtshù bo tèttswe', mbèn mbe keki nela'te ngelaṅ njù, lé'njù mba ngu'njù.

Nsi tshob ndù: Nenà bitte num nsitsha'a, nke mfà nzwit yub, ntù mi a be njàm ntàm mi là bitte num nsitsha'a, nke mfà nzwit yub, mba zit lo num ze tshaṅ i.

Nsi te mo' kub ju neta mfe tèt tù a swe' nkwim nsi num tsha'a mfagte ntse mi a be bam kub ju neta là, mba ntse mi a be mfe num bwe là. A be ndùlala.

Nenà bitte num nsitsha'a, nke mfà nzwit yub. Ntù mi a be njàm ntàm nà bitte num nsitsha'a, nke mfà nzwit yub, mba zit lo num ze tshaṅ i. Nsi yen a bwô.

Nsi nabte tshulàn ndùbndùb bàa, ze ndùb nke nsa' mbwôgtshù, ze nke' nke nsa' tèttswe', mba ba nsa.

Nsi tshob ndù: A bwô ndù ntse mi a be tun kamànyam nà tse'te dù' ntshù', ju njum tume. A be ndùlala. Nsi tsiaṅ ju njum nà ndù tsha'a, ntsiaṅ ntse mi a tse'te là ndù dibantse. Nsi yen a bwô.

Nsi naṅ mbotni num bo ntshob ndù: Bin bwe, nzwit zin yàme, ndun ntùm dibantse, nsaṅ bèn ndun num nsitsha'a.

Nsi tshob ndù: A bwô ndù nyàm be num nsitsha' be nzenze, mba zit lo num ze tshaṅ i, nyàm nke'nke'e, nyàm tse bo num nsoṅ bam sob nsi là, nyàm tshwèt, mba zit lo num ze tshaṅ i. A be be ndùlala.

Nsi tshob ndù: A bwô ndù nyàm nzenze be ntùm ntse, nsaṅ bèn nke mfùtte num nsitsha'a, tun kamànyam, a be be ndùlala.

Ndùlala Nsi nabte nyàm tshwèt, mba zit lo num ze tshaṅ i, nabte nyàm nke'nke'e, mba zit lo num ze tshaṅ i, nabte nyàm tse bo be num nsitsha' là, mba zit lo num ze tshaṅ i. Nsi yen ndù yen nà bwô.