Папулярныя біблейскія вершы з मत्ती 3

Падзяліцца

अगर तु सही मझ अपड़ै पापा किना मंन फैरता आ, ता अपड़ै अच्छै कमैं ला तैन्हांं लुहा

जां सुरगा किना अक आवाज यैई “ऐ मिंडा प्यारा पुत्र आ, जैस किना आंउ बड़ा खुश आ।”

जां जिहीं ऐ यीशु पाणी मझांं बपतिस्मा लैकरी भेईर निकआ, तेनी तकाउ कि सुरग खुलि गिउ जां तेनी परमेश्वरैरा आत्मा एकि कबूतरा सैयि उतरता जां ऐपु पन ऐईंता लधा।

“आंउ ता तुवाड़ा मंन बदलणैरै तेईनी पाणी ला बपतिस्मा दींता, पण जै मूं किना बाद प्रचार कांननी ऐईंणार आ, सै मूं किना बि बड़ा महान आ; आंउ ता तेसेरै मुकाबलै किछ बि ना, आंउ एकि दासेरै मुताबिक सभनियांं हल्का कम कांना चाहूं ता तेसेरै बि लायक ना। तैस तुहांनि पवित्र आत्माय जा आगी ला बपतिस्मा दींणा।

जां जिहीं अक मैहणु अपड़ि कुराहड़ी ला सीरा पन जैस बुटा पन ऐयिड़ै फल लगतै, तैस बढि करि आगी मझ फुकणनि तियार आ, ठीक तिहियें परमेश्वर बि तुहांनि तुवाड़ै पापा केरै तेईनी सजा दींणनी तियार आ।

ऐ यूहन्ना सैहै आ जेसेरै बारै मझ यशायाह भविष्यवक्तै चर्चा कातै बोलोरू थियु कि “सुनसान जगाई मझ अक हक दींणारेरी आवाज शुणींति आ, कि प्रभुरा स्वागत कांनेरै तेईनी अपड़ै आपा तुवे तियार करा।”