Папулярныя біблейскія вершы з Makòrzì 2

Падзяліцца

Yerzù a mà hweye nanù, rzìi à hwa alàhwɛ̀ nanù ema, “Hwatò ema hwa lìyayi gbamù hwa rzà àrza ŋgàŋgà. Hwatò ema hwa ɔ̀kìrzɛ̀ wɔ̀ ndi hwa àrza è ŋgàŋgà. Nà rza jèlì ò ene rze ya mɔ̀nyɛ̀ lì hwɛlɛ è wɔ̀ ema hwa tɛmi ehve-ehve, ndi nà jɛ̀lɛ̀lɛ̀yi ndi è wɔ̀ hwa wòhwe.”

Nà òmà Yerzù a mà ɛnɛ̀ lìlòkɛ̀ la awu, rzìi a òhweyà òŋgò mòtò wà njɛmbu nanù ema, “Ŋmanà wà amì, nà ma ò làkìrzɛ̀ wòhwe wò aŋgɔ.”

O lìrzukù Yerzù rziì a hwa òhweyà nanù ema, “Lohwɛ̀ à mà lòma lì weka è mòtò, ndèŋgàna a ika menya mò lì Arzìyòlɛ̀. À rzi lòmè lì ika Wùùnyà wò lì Arzìyòlɛ̀ ndèŋgànà a e weka è mòtò.

Hwa rzi tanɛ̀yi lì mò jàneyà Yerzù èhwanja è ŋgìndì è mà aka lì kòka. Hwaŋga hwatò rzìi hwa agba ò ŋmanyu yà èŋge ndawò, hwa kɔ̀rzɔ̀ lìkààndò la èŋge ndawò lì ma hvòmɛ̀nɛ̀ èki ema Yerzù a mà hwɛ. Rzìi hwa rzìhwirzɛ òŋgò mòtò nà lìkɔ̀kɔ̀ ema òŋgò mòtò à mà naŋgeya ò wòrzò wò ama Yerzù.

Nà e uŋmɛ̀lɛ̀ nanù ema è Ŋmanà wà è Mòtò wà Hwènàmà a hweni wònjà ya lì làkìrzɛ̀ wòhwe ò rze.” Yerzù rzìi a òhweyà òŋgò mòtò hwa e nyàmbɛ yà njɛmbu nanù ema, “Nà ò òhwèlì nanù ema, tɛ̀mɛ̀ ò wòwè lìkɔ̀kɔ̀ lì àŋgɔ, ò ɛ̀ndɛ̀ ò mààndà ma aŋgɔ.”

Ì ma yɔ̀ e wɔ̀tɔ̀mèlì, ò lì òhwànà è mòtò wa njɛmbu nanù ema, ‘Nà ma ò làkìrzɛ̀ wòhwe wò aŋgɔ̀,’ ŋgà ò lì òhwà nanù ema, ‘Tɛ̀mɛ̀nɛ̀ ò ŋmanyu, wòwà lìkɔ̀kɔ̀ lì àŋgɔ ò ɛ̀ndɛ̀ e?’

À mà tɛ̀mɛ̀ rzìi à wòwà lìkɔ̀kɔ̀ lì eni à anjiya ò èŋge ndawò ò hwɛ̀ɛ̀nèlì hwe hwaŋga hwatò hwa arzɛ. Ène eyà è mà tàmìrzɛ̀ hwatò hwa arzɛ rzìi hwa eka Lohwɛ̀ hwa òhwa nanù ema, “Ì rzi ɛni ène nyàyi yà eyà!”