Папулярныя біблейскія вершы з Makòrzì 10

Падзяліцца

Èhwanja tɔ̀ è Ŋmanà wà è Mòtò wà Hwènàmà a rzi je ndi ema hwa mò gbèeyà. A jelì ndi ò lì hwɛ è mògbèèlì wa hwatò hwa arzɛ. Nà ò lì ŋgba lòŋgɛ la eni ò lì kɔ̀tɔ̀ rzayì-rzayì ja hwatò.”

Yerzù a mà hwa ɔŋgɔ̀ kòò rzìi a òhwa nanù ema, “È hwèlì tɛ ò hwatò e rza tanɛ e gbèyɛnɛ. Ndi e hwèlì tɛ nà Lohwɛ̀, ò rza enje eyà e ambi.”

Yerzù rzìi a mò òhweyà nanù ema, “Ɛndɛ, lìlòkɛ̀ la aŋgɔ lɔ ndi lì ò wɔ̀wìrzɛ̀yi.” Lìwòkìmɛ̀nɛ̀ a wòteyà lì ɛnɛ̀, rzìi a òŋgama Yerzù e njiya ya arzɛ.

O èŋgànɛ̀lɛ̀ rzɔ mamɛ ema Lohwɛ̀ a làti mòtò wà hwènàmà a rzi keka lì e wùùlɛ̀.”

Yerzù rzìi a mò ɔ̀ŋgɔ nà ŋmèma mò ndiŋgɛ rzìi a òhwa nanù ema, “O lìyelì eyà yɔ̀kɔ ò lì gbeyà, ɛ̀ndɛ ò ahwìrzɛ hwèèmà hwe aŋgɔ̀ hwe arzɛ ema ò òhvi, ò wòwe wòŋgò wòlì ò ŋgbe mèlìrza me hwatò, ò gbèyi tɛ nanù, ò òhva mònàmɛ̀ ò ŋmanyu yà lohwà. Èŋge hvònda, ò je ò nò nɔ̀ŋge.”

Yerzù rzìi a mò ijòwa nanù ema, “Mamɛ rzɔ ò arza nanù ema nà ò gbèeyà e?” Oŋgò mòtò rzìi a òhwa nanù ema, “Nà arza lì ɛnɛ.”

Ndi è rzà hwɛnì lì hwɛ nanù nà inyɔ̀. Tɔ̀ ima mɔ̀ wà anyu ema a arza lì hwɛ è mòndɛnɛ wa anyu, a hwɛnì ndi lì hwɛ è mògbèèlì wà anyu.

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ Lìkànèyà là ama Lohwɛ̀ nàa ŋmanà mòrzàlì, à rza lì kpèeyà.”

Ndi rzayì-rzayì ja hwatò ema hwa hvùŋgani nàŋgɛ hwa ò lìiya ò mburzà. Rzayì-rzayì ja hwatò hvɛ ema hwa hwèlì ò mburzà nàŋgɛ, wɔ̀ ndi hwa ò hvùŋganɛ.”

Ndi ò hwewòtelì e hvònda ema Lohwɛ̀ a mà weke hwatò, ama weka ndi è munyanà nà e mòlanà.” “Ndèŋgànɛ̀lɛ̀, ene ŋgàna ɔ̀ndeŋgàtɛ̀ ŋmanà wa munyanà a hwɛ̀mɛ̀ rzàŋgɛ na nyàŋgɛ rzìi à uŋma jòjìyɛ̀ wa eni rzìi hwahwàkɛ hwa alàtànɛ̀ ò lì hwɛ mòtò mɔ̀kɔ. Hwa mà jà rzɔ ndi mòtò mɔ̀kɔ hwa rza enje hvɛ hwahwàkɛ.