Папулярныя біблейскія вершы з Seera Uumamaa 3

Падзяліцца

Dubartittiinis iji mukichaa nyaataaf gaarii ta'uu isaa, ija namaatti kan tolu, ogeessa nama gochuudhaafis gomjaasisaa ta'uu isaa argitee, ija isaa irraa kutattee in nyaatte; abbaa manaa ishee isa ishee wajjin tureefis immoo in laatte, innis in nyaate*.

Bineensa bakkee Waaqayyo gooftaan uume hundumaa keessaa bofni caalaa haxxee ture; innis dubartittiidhaan,<<Dhuguma Waaqayyo,<<Ija mukkeetii iddoo dhaabaa kana keessa jiran hundumaa irraa hin nyaatinaa!>> isiniin jedhee?>> jedhe*.

Ani si'ii fi dubartittii gidduu, sanyii isheetii fi sanyii kee gidduus diinummaa nan buusa; inni mataa kee in buruqsa, atis koomee isaa in iddita>> jedhe*.

Dubartittiidhaan immoo,<<Yeroo ati ulfooftutti ani rakkina kee guddaa nan baay'isa; ciniinsuudhaanis mucaa in deessa; kana keessaa immoo abbaa manaa kee in hawwita, innis aboo si irratti in qabaata>> jedhe*.

Ati biyyoo dha, deebitees biyyoo in taata; ati biyyoo lafaattii waan kutamteef gara isaatti hamma deebi'ituttis, dhamaatee dafqitee buddeena in nyaatta>> jedhe*.

Waaqayyo amma immoo namichaan,<<Ati dubbii haadha manaa keetii waan dhageesseef, ija mukichaa isa ani<<Hin nyaatin!>> jedhee si abboomes waan nyaatteef, lafti sababii keetiif abaaramaa in ta'a; atis bara jireenya kee hundumaatti itti dadhabdee isa irraa in nyaatta*.

Waaqayyos,<<Qullaa kee akka turte eenyu sitti hime>> Sila'oo ija mukichaa isa ani<<Hin nyaatin!>> jedhee si abboome sana irraa nyaattee ree?>> jedhe.

Waaqayyo nama gad oofee, karaa isa gara muka jireenya kennutti geessu sanas in eegsise; isa eegsisuudhaaf bukkee iddoo dhaabaa Eeden gara ba'a-biiftuutiin Kiruubelii fi billaa akka ibiddaa boba'u isa gara hundumaatti nanaanna'u in dhaabe.

Namichi Addaam jedhames haati manaa isaa haadha warra jiraatan hundumaa waan taateef, maqaa ishee<<Hewwaan>> jedhee moggaase; (innis <<Jiraattuu>> jechuu dha).