Папулярныя біблейскія вершы з isizwur 6

Падзяліцца

tʷgraẓ sidi rbbi f‑bnadm lli‑iskr ġ‑ddunit, ṭiyr‑as bahra.

iẓr sidi rbbi is‑a‑bahra‑ttigat lh̬ʷšant n‑bnadm ġ‑ddunit. ġ‑iyḍ ula azal ur‑a‑swingimn mddn abla ġ‑ma‑yʷh̬šnn.

imma nuḥ yufa rrḍa ġ‑iẓri n‑sidi rbbi.

ġmkad a‑iga‑warra n‑tasutin n‑nuḥ. iga nuḥ argaz ikmmln, iġus‑uwl‑ns ġ‑gr mddn n‑tasut‑an. nuḥ ar‑bdda‑itmunu d‑rbbi.

yini sidi rbbi ġakudan: «han bnadm lli‑h̬lqġ, ra‑t‑ssittiġ zġ‑wakal. rad‑ssittiġ bnadm d‑luḥuš d‑igḍaḍ n‑ignwan d‑kullu ma‑itštutuln f‑iggi n‑wakal, ašku tʷgraẓ‑iyi ġ‑lliġ‑tn‑skrġ.»

lliġ a‑ttigatn mddn ġ‑ddunit, ar‑darsn‑tlalnt‑tfrh̬in. lmlayka n‑rbbi ar‑ẓrran is‑šwant istis n‑bnadm, ar‑tawin h̬tinna gisnti ttirin. yini sidi rbbi ġakudan: «ur‑rad‑adjġ rruḥ‑inu ad‑bdda‑itẓi d‑bnadm, ašku tifiyi ka‑iga. ussan‑ns ġilad ur‑ra‑n‑ssurfn miyya d‑sin id‑mraw (120) n‑usggʷas.» kkan‑ttin llan ‹nafilim› ġ‑ddunit ussan‑an ula tigira‑nsn, ġakud lliġ a‑tmunun lmlayka n‑rbbi d‑istis n‑bnadm, ar‑didsnt‑skarn tarwa. gn ntni iġzuyfa tjhhdnin, tyawssann bahra ġ‑uwssan‑an.

inkr nuḥ iskr kullu maylli‑f‑t‑yuṣṣa rbbi.

isawl rbbi s‑nuḥ yini‑as: «ha‑yyi rad‑gġ ttmi i‑kullu ma‑igan tifiyi, ašku tɛmmr ddunit s‑lbaḍl f‑ssibt‑nsn. han rad‑hlkġ kullu ma‑illan ġ‑ddunit.

zayd kiyi tbnut yan‑wanaw i‑ih̬f‑nk zġ‑ukššuḍ n‑gufr, tskrt gis iḥuna, tġʷmt‑as zzft zġ‑brra ula agʷns.

twrri tigat lh̬ʷšant ġ‑ddunit ġ‑iẓri n‑rbbi. ašku bnadm kullut iwrri ar‑iskar ma‑yʷh̬šnn.

tšškšmt dik sin zġ‑kullu ma‑iddrn ig tifiyi s‑wanaw, baš ad‑njmn ula ntni dik. ad‑gn awtm d‑tuwtmt