Папулярныя біблейскія вершы з Markus 6

Падзяліцца

Yesuw a gwaɗa a tar: «Tàkwa i faha ya, a təv ana mburma a riŋ iɗəm tsiye. Ki ti sìfìkikwe a ba a fata.» A tsik a tar kataya ka, aɗaba gà mburma ana tə dawa i təv ŋgar a hinne ya. Aɗaba taŋa, gà Yesuw nda gà ɓəzla mazazama ŋgat ta ŋgat akaba vatwa aà mazəma akaba dukw mezime tsa.

I fataya ka, Yesuw a gwaɗa a tar: «Ku weke na tə sər ŋgat, a gəl ba i kwite ata, nda gà mburma ana i ga i ma ŋgar a tserdze, dite ka, à me a ter a à bazlam Mbulum i fata asa ka, ta ger a magəɗa tsa. Ta fir ahər a lele tsa, ku mege i kwite awara tserdze tekeɗe ya. Say i kwite ŋgiɗ, ika magər gà mburma ŋgar asa tsa dzekwiŋ, dite ta ge a magəɗa a bazlam ŋgar kuɗa.»

I dəba ŋa ya, Yesuw a tarra i slə̀làh yam a, a fə̀r aà gà mburma ata mbə̀rzə̀zza mayahaba gər ŋa ya ka, ti ndzer are tsehe hinne, aɗaba ti ne ka, kamala gà təmaŋ ana mala makəva tar a riŋ tsiye. Agəra taŋa, Yesuw a dza ba aà metsìkè a tar bazlam ŋgar ŋgiɗ pampam hinne.

Aɗaba bazlam tar ata ka, Yesuw tekeɗe, aka sle aà mege gà dukw mene aà mburma ŋgiɗ hinne i fata asa tsa. A daha, a dzaya ahər aka gər gà ɓəzla dukw məməta ata i fataya zaakwa zaakwa pəra. A mbala à tar i dukw məməta tar a. Aɗaba bazlam tar ata ka, a ge ahər kamala dukw mene aà mburma ya hinne, agəra ana ta gəs ŋgat nda gəzləŋ tsiye. A hitse dər i fataya tsara, a da a kwite ana a riŋ bise nda kwite ata ya. A daha, a tsik bazlam ŋgar a mburma i fata.

I dəba ŋa ya, Yesuw a ndzək gà ɗaf ata nda kilif aaha sula ya, akahər ŋgar. A fə̀r dər a gəza mbulum, a ge dərraha kəkaaha a Mbulum. Aləka a sasa ikaba ɗaf ata ya. A vəl a gà ɓəzla mazazama ŋgat ata, dite gà mburma ata tə daha, tə dzaya a gà asiŋ gà mburma ata i fataya tserdze. A ndzək kilif aaha, a dzaya a tar aaka tserdze asa mbaŋa. Ku weke a zəm ɗaf ata ka, a sler, a zeha aà tar a. Aləka gà ɓəzla mazazama Yesuw aaha tə daha, ti yaha gər a maɗaval ŋana ka, a raha a gà tàkwasa kurwa gəra sula.