Папулярныя біблейскія вершы з Markus 4

Падзяліцца

Aləka Yesuw a hitse aà mbulum ka, a kwara akaba himbiɗ ata. Dite a gwaɗa a yam aaha asa: «Ndza ɗikɗik, kà ɓə̀zl aba asa tsa.» Gà himbiɗ ata nda yam a ka, ta gəs bazlam ŋgar tsara, tàa ɓazla aba asa tsa. Dite Yesuw a gwaɗa a gà ɓəzla mazazama ŋgat ata: «Aɗaba la na ki gwim a magəɗa dze ya? Wànà kàa gəsum iye a gəzləŋ kurum zukw tsiye?»

Ama medzedzere i ba tar mba hinne. Ta gwaɗaba ika magər tar: «Naha dze ana, weke ɗara, na a kwere akaba a gà himbiɗ nda yam ka, ta gis ahər a ahəm a?»

Ama Yesuw ka, ŋgat a riŋ ika mendze are aà dəba tar. A tike gər aka təv gər. Gà ɓəzla mazazama ŋgat ata, ta ge magəɗa hinne, ti dzedzeriŋa. Ta piɗeke à ŋgat. Ta gwaɗar: «Əbay, kər ka, ki ndze a are ana, meme? Ki dzèkwe a a yam.»

Yesuw a gwaɗa a tar asa: «Ama ka, gwim metsehe a dukw ana i tsik a kurum a ya lele, dite ki gwim a metsehe a dukw ana ki gwim a a gà mburma ŋgiɗ pampam a asa. Dukw ana kàa gwim a tar a ka, Mbulum tekeɗe, à me a kurum a dər aɗəm ka, kamala taŋa ya mbaŋa. Ama ŋgat kəla ka, à zè a dər biy na kì gwim a ter a fit.

Yesuw a gwaɗa a tar asa: «*Mekwere Mbulum a ndzikiɗ ba ka, hwife ana mburma a slige a ya. Wele ata a slige hwife ata a gùvàh ŋgar. I dəba ŋa ya, hawa a ge ka, a de a a ma. A ndze a are. Mbulum aka də̀v ka, a hitse a asa. Kəla pat kataya. Zàkwayiya ka, daw ata a sliliŋa. A slil a dze ana, meme ka, wura a sər tsa.

Aɗaba taŋa, dzùmar zləm lele, na gər kurum aka ge aà metsereke ya.»