Папулярныя біблейскія вершы з Markus 13

Падзяліцца

Gà mburma tserdze, ku weke tekeɗe, ti ne a kurum a are, aɗaba ana kurum gà mburma gà ya. Ama wur ana ədəts aka gəs gəzləŋ, aka simereha haa a pat ana mesife ŋgar à ndìv a ya ka, Mbulum à mbil a dər.»

Gwim metsehe daga aà kinehe ya, ka ndzum are tsa, aɗaba kà sərum pat ŋa tsa.

I təv ana ta gese a kurum aà mada à kurum aka miɗ seriye ya ka, ka tə dzalum gà gər agəra bazlam ana ki ti tsikwim a ter a ya tsa. Ama kàa ndzwimaha ka, ki ti tsikwim a ka, dukw ana Mbulum a ti ɗif a kurum a dər ika miɗ tar i fataya pəra. Aɗaba bazlam ana ki ti tsikwim a ya ka, a dere a ka, i madzala gà gər kurum a tsa. Ama na a ti ɗif a kurum a dər ka, Mezite Mesife Mbulum na à zlèk a kurum a.

Gà kuvəl Mbulum nda gər ahəɗ ka, tì ndìviŋa. Ama bazlam gà ka, à ndìv a tsa, a ndze a aà biybiy.»

Aləka Yesuw a gwaɗa a tar i dəba ŋa ya asa: «Ama wura a sər pat ŋa, nda ler ŋa ana gà dukw ata ti ndzere a ya tsidze. Ku mege gà gawla Mbulum tekeɗe, tə sər tsa. Ku mege iye ana Kəla ŋgar a tekeɗe, i sər ɓav tsa asa. Say Mbulum Tsir kwa à gər ŋgar ilik na a sər a.

I təv ana kàa tsarakum gà labara gà gùvəl a ɗe a bise, kige tsa a ɗere a i təv diriŋ ŋa ya ka, ka ta gwim magəɗa, arəv ma da aà kurum a tsidze. Aɗaba gà dukw ata ka, say ti dere a dukw ŋgar. Ama mandəvandəv gər ahəɗ ka, aka sle zukw tsa na taŋa ya.

Aɗaba taŋa, kurum tekeɗe, ka ndzum are ɓav tsa. Ndzum nda metsehe, aɗaba kà sərum pat ana mala ga à mère a a ma ya tsa. Bəla à mère a ka, ndaàwa, kà sərum tsa. Bəla nda magər həvəɗ, kà sərum tsa asa, bəla medzè melìgire aka bur ide, bəla nda mèkwède aka pat ana à mbizere a ya, gərəŋ gərəŋ kà sərum tsa asa mbaŋa. Ama ki ndzwim a ka, nda metsehe lele, tsəka, aka wiyere aba ya paf ka, ma ti le aà kurum aka mendze are tsa. Bazlam ata i tsik a ka, a kurum ɗekɗek tsa. I tsik ka, ku a weke: Kaslum ba kurum, ndzum nda metsehe lele.»

Gà kwite ŋgiɗ pampam ta ge a gùvəl nda gà biy ŋgiɗ. Gà gawla Əbay ŋgiɗ ta ge a gùvəl nda gà biy ŋgiɗ pam asa. I gà kwite ŋgiɗ pampam ahəɗ a ɓezle a wàkit wàkit. May tekeɗe, a ta ge a hinne asa mbaŋa. Gà dukw ata tserdze ya ka, a live dər aba ya pəra, dite ti sir a dər ka, gər ahəɗ aka à mendìve ya, kamala mawà kəla ana à lèh ahər a, a wir a aà gà məkəs a.

Aɗaba malahalah ŋa, ələk gər ahəɗ à ndìv a ka, say gà mburma tàa tsaraka bazlam aaha ŋgwal ŋa ya fit dzekwiŋ.

Aɗaba gà mburma hinne ti dere a a təv kurum a, ti zle akaba a zləm gà, dite ta gweɗe a kurum a, ku weke: <Iye ka, ŋgat ŋa,> tsaatsa pàrsa. Kamala taŋa ya, ti dzeye a à gà mìsle ŋgiɗ hinne.

Ama kurum ka, say ndzum nda metsehe kurum lele. Aɗaba a pat ŋgiɗ ka, ti ta gese a kurum, ti de a à kurum aka miɗ seriye. Ti ta gezlere a kurum i gà ga mahàmà a Mbulum a. Ti ta gese a kurum aka miɗ gà ɓəzla makwàrà mburma nda gà aka miɗ gà Əbay gà bàba ŋana, agəra iye. Kamala taŋa ya, ki gwim a sida gà nda ndzer ŋa ika miɗ tar.

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta geye a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Aləka i dəba ŋa ya, Yesuw a gwaɗa a gà ɓəzla mazazama ŋgat asa: «I təv ana gà mesèwèrè are ata tàa ndəv iɗəm a ka, gà pat nda kiye tì div a asa tsa, a ndze a ziŋziŋ fit kweleŋ. Gà mawusawus ibam, ti dzewere a aà mbulum a. Dite gà dukw ana a riŋ madzàvà ŋa aà gəza mbulum a, ti lekeye aaba a gà gər ŋgwir ŋgwìr ŋgwir ŋgwir.