Папулярныя біблейскія вершы з MARKƏ 10

Падзяліцца

Gud maa mo, *Kormə Hulúm bəŋ haa paapa minti kaa jəw joŋre la ba. Wə bəŋ haa minti wə jəə joŋre la a kaŋ ɗaw daana bə aye dədərgə du wəra bə miɗi kaa ablaw.»

Yeesu gulnuy, wə wəətənəy minti: «Kaa kəsarkaŋ paapa gə nakə-neke bə seere kusri ba, Pepeŋ toŋ bə nakə-neke bə siiriy wəra. Gud maa mo, karman anə məna minti Pepeŋ nəkaŋ bə ji toŋ baŋ, paapa.»

Yeesu wəətunu minti: «De nəmtiŋ seerenem ne wəra, ɗee la nəmti ta.» Hebkən-hebkəna faɗi, duru əsəŋ bə ase, kəya wə haŋ kəkəy gud Yeesu faɗi gəm.

Bədoona ana gəm, karman bə minti Pepeŋ a təpnu wəraŋ, hulum kisirkiŋ a ɓərsu duru wəra pəda.»

Yeesu goloŋ hulum, wə bəlnu wəra ablaw. Wə wəətunu minti: «Karman yaakaŋ wəra sarəma məna: ɗee la, gusə kar nəmtiŋ la wəra keɗe, ayə soloy diŋ la wəra a kaa kə caacaŋ, kəya tam ɗe a fele bege nəmti bə gəəzə-gəəziŋ yaŋ apəy na. Adoro bəəda, tapə la guudəna nuutu ta.»

Yeesu wəətunu minti: «Tam bele minti ten jəm maa la mo?» Wə hərnu kel minti: «Hulum bə hateŋ, jən la kir minti dərən ase la.»

Aŋ teŋ a paapa kir ji bədoona aduubə də kumsəŋa ba. Hulum bəlaŋ ne minti tó jəə la ku boblo aduubə dəŋaŋ, wə jəə la haa hulum bə minti ji joŋreŋ a nəənəŋ ɗaw.

Gəəzi, ten waataŋ, hulum bə minti doŋ haa minti Pepeŋ jəə la kumna cəərə tó damdi beebe konce de haa ana baŋ, wə kele a Kumna kə Pepeŋa ba anə ceki.»

Səma ablaw də kaa gə minti teŋ hebkəna kaa kə ajew bə ɗe a kole yaŋ kaa kə adoro. Ablaw də kaa gə minti hebkəna kaa kə adoroŋ, bə ɗe a kole yaŋ kaa kə ajew haa teŋ gəm.»

Gud maa mo, kefter wəra bə waatə-waate minti, hãã a mele bə gud koŋ daŋ, Pepeŋ ‹jəŋ hulum kisirkiŋ ha'aŋ, hulum koŋkor də həlgəŋ faɗi. Gud teŋa ta, hulum koŋkor yaake buru wəra də nuru bə ɗe a ve kuli neeteŋ də muruŋ. Kəya yə ɓasi keɗe, yə kole haa hulum bə məna'i.› Bədoona ana ta, yə paapa kaa ɓasi pəda, yə koloŋ haa hulum məna faɗi.