Папулярныя біблейскія вершы з Mark 13

Падзяліцца

Deg tube a ɔsɨsɨnta kɨtatɔm, na de'n hɔ ron ba mbã dɔboia a ne, ĩla a aj ye.

Oon go rosɨ maj. I ndɨn dɔgt elɨn ta kɨ Luwah; kɨta i gerɨn dɔkàd'n nyag'n non a ɗan nya tit al.

Lon ndɨ awɨn sesɨ lo gangtat kad'n gangɨn ta dɔsɨt ye, ot soolɨn dɔ tat'n ɓet a elɨn, na ta kɨɗen a elɨn kaglot'n non ye, Ndil Kɨkunjɗang a nda ta tasɨt kad elɨn.

Dɔrã kɨ dɔning a tɔin kɔ, na tag lom a tɔin kɔ al bat.

Na ta kɨ dɔ ndɔt ke kàda, ĩn hã nyag'n non ɓet a ɗan nyat ye, de mad kɨ ger goto, ke malaikag kɨ kam dɔrãt, ke Ngon. Na Bɔw kɨɗabe tã la ger ye.

Lon a oon hoi ɗɔɔg, kɨ kah ɗɔɔg ye, ot kadɨn kamsɨ gang man kɨta nyag'n non a ɗan nya titbe; na ĩn ten hã i dɔboi nyag al ɓaitɔ.

Kɨtɔ 'nten i ndɨn dɔgt. Kɨtɔ i gerɨn kaglo'n kɨɓe ngékuj a tel ɗen al. Ke i lokɨsɔle, ke denlot, ke dɔ kàd ko kɨnjat, ke kɨsĩ. Na ɓeta tel ɗe a hursɨ yedeng dɔɓit Nya'n m'ndɨ m'elsɨ nõ, m'ndɨ m'el deg tube: I ndɨn dɔgt.

Girr de mad a ɓai ndoor girr de mad, ngar mad a ɓai ɗɔɔ kɨ ngar mad. Dɔning a yee kɨ log kɨ dang dang; ɓo a õ deg kɨ lo lo. Nyag'n non tube i yaɓood tokooj ɓaitɔ.

Kɨtɔ, maj kad a lan mber Hoita kɨmaj girrdeg kɨ dang dang tube kete kamtã.

Kɨtɔ deg ngãibe a unɨn tɔm, a ɗen ne rosɨt, na a elɨn anan: Mĩ la mĩ Krist ye, kad goolɨn ne koosɨdeg ngãibe.

Na ĩn taa ne, oon go rosɨ maj. Deg a awɨn sesɨ nõ ngégangtat, a ndasɨn kam kuj kawnat lo Juipg kɨ ndeh, a awɨn sesɨ nõ ngékõɓegt kɨ ngarg kɨtatɔm, kad kɨ i manaj nõdt kɨtatɔm.

Kɨtɔ Krist kɨ ngomg a ɗen, ngékelta kɨ ta Luwaht kɨ ngom a ɓaɨn ho, na a anan n'ndɨ nelɨn ta kɨta Luwaht. A ɗan nyakɔjg kɨ nyag kɨ yaya kad golɨn ne deg ho, kad nũ ne deg kɨ mbed lo Luwah kam mut.

Na kam ndɔgt'n non, go kaglo kamkɔlt, til a ut kum kàd mbukɨ, nah kaa a ndaa al ho. Kɨmẽg kɨ dõ dɔrãt a tuson kɨ ber, tɔgg kɨ kam dɔrãt a yeen yɨkɨtyɨkɨt.