Папулярныя біблейскія вершы з Pomulanya 18

Падзяліцца

Kamonsonya ane resi Aku, i Pue Yawe, tare to masuli Kuepe mangika! Wali ane ratamo tempo to roomo rapakatantuka, ri to’u to darata, tempo etu Aku darata wo’u resi komi. Pasi tempo etu i Sara re’emo ana langkai.”

Ojo pangandonge i nSara gombo i mPue Yawe etu ia malenta rayanya pei magele mampobuuka, “Wimba damawali palaong to etu? Kami dua puengku, i Abraham, paka tu’a kojomo! Pasi aku tamo mansabe wuya. Wali wimba aku to tu’amo si’i pei tiroowa damangarata ana to mampakasanang kojo rayangku?” Ewa wetu pampobuuka i nSara.

apa wiyaanya damawali bansa to bae pei to maroso kojo. Pasi saba yako ia see naka samparia bansa nto lino darapakasanang katuwunya.

Wali i Abraham yau ri awe i mPue Yawe pei mampotanaka, ia manganto’o, “Ane Komi mangahuku tau to maja’a ri kota dua etu, wimba ane tau to lengkonya singkonong pei Komi, wimba sira bara darapakaja’aka yau seja sindara-ndara pei tau to maja’a etu? Wimba ane rapanya lima mpuyu mba’a tau ri kota etu to lengkonya singkonong pei Komi, wimba Komi bara tiroo damampakaja’aka yau kota etu? Bara maya Komi mangalapa sala ntau ri kota etu see tau to lima mpuyu etu taa damate yau?

Wali ojo pangandonge i mPue Yawe gombo i Abraham etu, Ia mangansono, to’oNya, “Ane Aku mangarata lima mpuyu tau to ri kota Sodom to lengkonya singkonong pei Aku, ane ewa see Aku taa damampakaja’aka yau kota etu naka ne’e tau lima mpuyu etu darapopate yau.”