Папулярныя біблейскія вершы з Kîam 22

Падзяліцца

Tontû bûû, Abrahamu areeta antû au riîtwa aragwîta, “MWATHANI nî aeejanaga.” Nîkîo gîtûmi antû batwîre bakiugaga mwanka nandî atî, “Kîrîmeene kîa MWATHANI gûkaeejanagwa.”

Mûrungu aramwîra atîrî, “Jûkia mûtaana waaku wa mûûmwe Isaaka ûrîa wendeete, na wîte nawe mwanka nthîgûrû ya Moria ûmûrite arî kîgongwana gîa gwakîîria kîrîmeene kîmwe kîa birîa ngakwonia.”

Mûraîka aramwîra, “Menya ûûraga mwana waaku kana ûmwîkîra rûgûma. Nîkwîthîrwa nandî nkûmenya atî nî ûkîrîte Mûrungu nîûntû ûtîramwata mûtaana waaku wa mûûmwe.”

Abrahamu aramwîra, “Mûtaana waakwa Mûrungu nîwe ûgaatwaa kang'ondu karîa tûkaarita karî kîgongwana.” Tontû bûû, bareeta na mbere na rûgendo rwaao.

Nî mma ûûni ngaakûtharima, na nthegeyie nchiarwa ciaaku ciingîe ta njota kana ta mûthanga. Ningî nchiarwa ciaaku igaataa nthîgûrû cia anthû baao. Nayo mîgongo yonthe ya nthî îkaatharimagwa nîûntû bwa nchiarwa ciaaku nîkwîthîrwa gwe ûkwathîkîra kajû gaakwa.”

Îgiita rîmwe, Mûrungu nî aagererie Abrahamu. Nî aamwîtîre, “Abrahamu!” Nawe aramûcokeria aramwîra atîrî, “Ndî aja.”

Îndî mûraîka wa MWATHANI aramwîta kuuma îgûrû akiugaga atîrî, “Abrahamu! Abrahamu!” Nawe areetîka arauga, “Îîî ndî aja.”

Mûraîka wa MWATHANI nî eetîre Abrahamu kuuma îgûrû, aramwîra MWATHANI ariuga atîrî, “Ndîgûciîtia na riîtwa rîaakwa ningwa; tontû gwe ûgwîtîkîîria kûthithia ûntû bûbû, na ûtîrarega kûnditîra mûtaana waaku wa mûûmwe.

Rîrîa baakinyîre antû arîa Mûrungu aamwîrîrîte, Abrahamu nî aakîre kîritîro kîa igongwana, na arabangania nkû bwega. Aracoka aratheeka mûtaana waawe Isaaka, aramûmamia kîritîroone îgûrû rîa nkû.