Папулярныя біблейскія вершы з LUKAT 17

Падзяліцца

Yinuk, Yetut nen aap nogo yoge logonet, ”Kiniki noba panggombunuk, abet nombakendak paga obeelom agandak me, miʼnaʼnuk kame nak o,” yinuk, nappereegerak.

Ndi, aap ambi nen ne ambi paga ne 7 maluk eeppinagage logominggirik, iniki koombunuk, An maluk eeppinagagirak o, yinuk, eekerak ndak-ndak ne 7 paga yokkira wage kenok, kit nen ne 7 paga aret omaluk mi eerogo mbo pogo logonu o,” yinuk, yoragagerak.

Inawin obeelom age mbareegi, it nogo ambi awin obeelom agaarak nogo kage nagagirik, yungguninuk, iyok paga wage logonet, oone nggwok paga Ala endage wogoppit wagagerak. Ala endage wogoppit Yetut abuʼme tebe yi wage nagagirik, ”Wa!” mban yoreegerak. Aap ti, aap Tamariya mendek aret o.

Kiniki tum wakkologo logonip o. Kit kinore ambi maluk eeke kenok, aruk wariyak o. Aruk wappunuk, maluk eekerak nogo iniki koombunuk, mbo pege kenok, at omaluk ti, mi eerogo mbo pogo logomunggup o.

Aap nogo Yetut, ”Wa!” mban yoge mbareegi, at Yetut nen, ”Aap ineebe 10 obeelom agaarak nogo lek a? Ineebe 9 nogo nggeeme naga o?

Yogo mbareegwa, at ninogoba endagembogut nen it yorage logonet, ”Kit kiniki noba panggombunuk, abet nombakwi nogo mbuuluk kulok anggen pogom kinikime logonetak en, eyo kilu nggwok yi, Kalom kinogo yi inikime yaʼnari nage keyaagin o, yogwi kiinok, yaʼnari nage aret kaʼnetak o,” yinuk, yoragagerak.

Kit kineebe kinili yikkolamonggotak kenok, kobak aret arumunggup o. Ndi, kineebe wondet agago patumonggotak kenok, kinili aago aret logomunggup o.

Yorage nagagirik, Yetut nen at oone waganggwi mendek yorage logonet, ”Kit maluk eerubagip nduk, kinikime mambinagi woramenggerak kwe, at kinikime mambinagi wage nogo perak, abuwa o. Aap ambi nen elege-aabologwe yi, maluk eeruwak nduk, inikime manabi wagaatak paga maluk eekwi iinok, yugum nggwok paga enggaanok keele yilinogo yiime mbo mambiyoorak op o.

Aap Nu wonage kagak, eerit nugu nogogwaarak nogo pogom, an aap aret ndaʼnagagirak woroorak eyom paga togop aret eerit nugu logogun o. It aakumi mbi nunggwi, amburu nunggwi, aap nen kumi kologwe, kumi nen aap kologwe, eerit nugwi iigak, aap Nu yiiro wurik me unggwage mbareegi, yi yenggenit lagangge logonet, it ineebe abok aret ndonggoninabeegerak nogo o.