Папулярныя біблейскія вершы з KEJADIAN 22

Падзяліцца

Abraham foi mamanak ndia na'de, “MANETUALAIN sadia hata nanapaluu-ka.” De losa besak ia boeo, hataholi-la lafa'da lae, “MANETUALAIN sadia hata nanapaluu-ka,” nai leten lain.

Boema Manetualain nae, “Moo o anamane kisa susuem-ma, fo meu leo dae Moria meu. Neukose, Au atu'du o, letek esa nai ndia, fo nai letek ndia lain, o tunu-hotu o anam-ma, da'di neu tutunu-hohotuk nanatunuk fe Au.”

MANETUALAIN kokolak tunga ata nusa so'dak ndia nae, “Boso tao mahe'di ni'iana ndia, do taon le'e esa boen. Besak ia, Au bubuluk, o fe ha'da-holomata, ma o tunga Au, nanahu, o nau fe o ana kisam-ma neu Au.”

Boema, Abraham nataa nae, “Neukose, Manetualain nde sadia bi'ilopoana ndia.” Boema duas la'ok lakandoo.

Neukose, Au ba'e-pala o nenik baba'e-papalak manasasi kao-kaok-ka, ma Au fe o tititi-nonosim de'u nduuk manai lalai-a, ma solokaek manai tasi su'un-na. Neukose, o upu-anam sengi musun-nala. Basa leoina manai daebafak-ka, neukose ala dokodoe neu Au, fo daenga Au ba'e-pala sila, sama leo Au ba'e-pala basa o tititi-nonosim so – nanahu o tunga Au paletang-nga so.”

Basa teuk de'ubee boema, Manetualain fola Abraham namahehelen-na. Manetualain naloo nae, “Abraham!” Boema Abraham nataa nae, “Ou Manetualain.”

Tehu MANETUALAIN ata nusa so'dan-na, naloo bou-bou neun neme lalai mai nae, “Abraham, Abraham!” Boema, Abraham nataa nae, “Ou Manetualain!”

MANETUALAIN ata nusa so'dan-na, naloo bou-bou la'iesa seluk neu Abraham nae, “MANETUALAIN nae, Au soo-supa inik au na'deng-nga mesak-kana, nanahu o tao tataos ia, de o nau fe o ana kisam ndia, neu Au.

Lelek ala losa mamanak fo, Manetualain nafa'dan neu Abraham-ma, boema ana taon-na mei tunu-hotuk esa, de nakatoto'dok ai ha'i sila-la, neu lain. Boema, ana henge anan-na, de nakandondoon neu mei tunu-hotuk lain, fo nai ai ha'i sila lain.