Папулярныя біблейскія вершы з Yohanes 16

Падзяліцца

Lekiꞌ-lekiꞌna hieꞌe Kutiꞌikimokei. Hingkeꞌna pahuakei kolebaꞌ lali ka pohintuwuꞌmi hante Aku. Kolentuꞌami tene i duniaꞌ hieꞌe bateꞌna nipoperima-rimakei. Angkana ipokarohokei lalimi alaꞌ Belisiꞌ to mokuasaꞌi duniaꞌ hieꞌe Kunanimo.”

Ane hupaꞌmoꞌi Inohaꞌ Mangkolehi, Iomo to hingkiꞌ morandakei hei mamponobahaꞌikei lekiꞌ-lekiꞌna poturuꞌ to tuꞌu. Io hawaꞌi hingkiꞌ mololita motuntuni pekiriNa hadoduoNa. Hapo to Nohori ka UmoꞌKu, tiꞌo to hingkiꞌ Nopololita. Hei Io hingkiꞌ mampowutekikei hapo to hingkiꞌ mewali i ando to hingkiꞌ dongkaꞌ.

Wute hinewowoꞌena, handoaꞌkei tene merapiꞌ hapo-hapo i lali konaꞌKu. Iperapiꞌmokei, hei hingkiꞌ itorimokei hingkeꞌna kodeꞌ mpololeke komotanaꞌmi.”

Tuꞌu to Kutiꞌikikei hieꞌe, hingkiꞌ pahuakei rasiꞌ ane molaiꞌA! Alaꞌ ane hawaꞌA molai, hawaꞌi hingkiꞌ hupaꞌ Topesulungi. Angkana ane molaiꞌA, Io hingkiꞌ Kurumbaꞌ humei pe ingkei. Ane hupaꞌmoꞌi Topesulungi, Io to hingkiꞌ mampokononto pe toaꞌ i duniaꞌ komadosara, komaniuꞌangKu hei pehukuna Pueꞌ Ala.

Hatoꞌo woꞌo ingkei: Hinewowoꞌena masusa lalimi. Angkana hingkiꞌ Kupohidupaꞌkikei womo. I kohidupaꞌta tiꞌo, hingkiꞌ motanaꞌkei huliꞌ, hei hawaꞌi uwaꞌ to wadi moroa komotanaꞌmi tiꞌo ka ingkei. I tempo tiꞌo, hamboaꞌmo paraluꞌ ipeꞌitanokikei ba hapo-hapo pe Aku. Wadimokei meꞌitano hadoduomi pe UmoꞌKu. Hatoꞌo woꞌo ane merapiꞌkei, wadimokei woꞌo hadoduomi merapiꞌ pe UmoꞌKu i lali konaꞌKu, bateꞌna hingkiꞌ Nobuhoꞌi.

Tuꞌu mpololeke lolitangKa hieꞌe: Hingkiꞌ meꞌolakei {pangkiꞌ hapo to hingkiꞌ mewali pe Aku}, angkana toaꞌ to hawaꞌi mepoꞌohi pe Aku, hingkiꞌ motanaꞌhi mpololeke. Hingkiꞌ masusa lalimi, angkana komasusami tiꞌo hingkiꞌ tewolihi mewali komotanaꞌmi.