Папулярныя біблейскія вершы з Matius 7

Падзяліцца

“Hika ngini nigolo o Gikimoika, de Una asa winihike nginika. Ma ngale nia kurangi gena o Gikimoika niasari bai! Niasari de ngini asa niamake. De lo o ngora ma duduno nioaso-aso, de o Gikimoi asa o ngora magena wapelenga de winisimaha so ngini niwosa.

Sababu nagoona yogolo, igogou ona magena asa wahike. Nagoona yasari, igogou ona magena asa yamake. De lo nagoona o ngora ma duduno yoaso, igogou asa o ngora gena wapelenga de wasimaha ona magena yowosa.

“So o nyawa la kanaga Ai demo manena yoise de lo yaaka, ona magena imatero maro o nyawa wococawaro moi la kanaga awi tahu wosigoko o teto ma dokuka.

“Komagena lo o gogoho kia ngini niodupa la o nyawa yaaka nginika, maro komagena lo ngini bilasu niaaka onaka. Gena naga maro o Gikimoi Awi bobita dangodu idomaka o Musa de o bi nabi isilelefo manga bukuka.

Duma o ngora de o ngeko ikokahika o oho ikokakalika magena daceke de isusa niakahika, de kanaga yadalawa o ngeko magena yamake.”

Nitagi niakahika o ngora ipopenetoka niwosa, sababu o ngora de o ngeko ikokahika o narakaka magena ingoha, de kanaga yadadala lo o ngeko magenaka yakahika.

So ngini o nyawa, ngaroko nia sininga itiai waasi, duma kanaga o kia naga daloha niahike nia ngopaka. Nako komagena niaaka, de ka igogou o loha lo nia Baba o sorogaka asa wahike nakoso o nyawa nagoona igolo Unaka.”

“Upa o nyawa niasisala, la ma ngale ngini masirete lo o Gikimoi lo asa upa winisisala kali. Sababu o duduga kiaka ngini o nyawa niasituga, maro komagena lo asa o Gikimoi winituga nginika. Gena ma ngale ma lamo ngini niasisala o nyawaka, done asa ma lamo maro komagena o Gikimoi lo ngini winisisala kali.

De o nyawa la kanaga Ai demo manena yoise duma yamotewa de yaakawa, ona magena imatero maro o nyawa wofufuma moi la kanaga awi tahu wosigoko o dowongi ma dokuka.

Ce! To ngini nia dodiao manga sala daceke maro o gaapo manga lakoka magena aku niakelelo, duma niakelelowa kanaga nia sala ilalamo maro o ifa moi yodebesu nia lako masireteka. Idodooha so ngini nitemo nia dodiaoka, ‘Nahino la ngohi o gaapo ani lakono tosisupu,’ duma kanaga lo maro o ifa moi yodebesu to ngini nia lako masireteka.

“Nimasidodiahi, sababu o bi nabi ikokulai. Ona magena imatero maro kanaga o nyawa o Gikimoi iwipipiricaya duma ona ikokulai, so manga edekati datorou la o nyawa manga piricaya gena yasisa. Ngini asa nianako ona manga gulai, hitilahi to ona manga manara ma sopo gena nianano. Idadiwa o ngangaru datotopoka ma sopo o anggur, eko pamake ma sopo o ara.

Komagena lo o bi gota daloloha gena ma sopo lo daloha. De lo o bi gota datotorou gena ma sopo lo datorou.

So idadiwa o gota daloloha gena ma sopo datorou, de lo o gota datotorou gena ma sopo daloha.

O bi gota la ma sopo datotorou gena igogou done asa yatoda de yaumo o uku isosora-sora ma rabaku. So komagena lo igogou o Gikimoi asa o bi nabi ikokulai gena wasangisara.