Папулярныя біблейскія вершы з Johanes 16

Падзяліцца

Karina i Kubagahken taba kènè, asa dom sampang atè ndènè, kumarna nggelluh kènè ibagasen Aku. Mpersuk mo iakap kènè ibakin dunia èn. Tapi tahanken kènè mo i sigejap, ai enggo kutaluken dunia èn!”

Tapi mula enggo kessa roh Tendi i, imo Ia sipetandaken kebennaren tersèngèt Dèbata, itegu-tegu mo kènè lako menandai karina kebennaren. Oda ngo mengerrana Ia ibas diriNa sendiri nai, tapi iranaken ngo sinidengkohNa, janah bagahenkenna ma ngo taba kènè sinaing masa i podi ari.

Soh bagèndari oda nung dèng kènè mengido barang kadè merkitè gerarKu. Pengido kènè mo, asa menjalo kènè, janah asa dom sampang atè ndènè.”

Tapi situhunna ngo siKudokken èn bai ndènè: Laba ndènè ngo mula laus Aku; ai ukum oda laus Aku, oda roh pengondiin i mendahi kènè. Tapi mula laus Aku, pasulakenKu mo Ia mendahi kènè. Janah roh kessa Ia, Iajari mo dunia èn tersèngèt pengantusiin lapaten dosa, kebennaren dekket hukum

Bagidi ma ngo bang kènè pè. Bagèndari bonek ngo kènè, tapi rebbak nola mo Aku dekket kènè, nai gabè sampang mo atè ndènè; janah isè poda ndorok mengerampasi sampang atè ndènè i bai ndènè nai. Dapet kessa mo ari i, oda pella mengkusoken barang kadè nengè kènè taba Aku. Kudokken mo bai ndènè: Barang kadè pè ipido kènè bai Bapa nai, iberrè ngo i bai ndènè merkitè-kitè gerarKu.

Ntangkas mo kubagahken taba kènè; tangis mo kènè janah derru-derru, tapi lolo mo dunia èn. Bonek ngo kènè, tapi gabè mobah mo bonek atè ndènè i gabè sampang atè.