Папулярныя біблейскія вершы з Matius 24

Падзяліцца

Angtane gwanan galapserem jei kabwakfer naawena, jengga Ai seyafter Ajes nasbilirim jeiserem jei aa jep etamwesaram, angtane unggwanfer kabwakfersus gase naawesa. Ane jega jem temawer angtane unggwanfersus jei angtane nafsi jam ne nesiktababiyen. Jengga angtane Ai kanaufer As jei ne tebanaram jamere nunu Uwa Sanbagiri aa jep bilirim jep se falsa, angtane jeiserem jei abakef gwelaiserem ga sene domolsa.

Angtane Ai Ajes baftabilirim, jei seyafter ga sege sofobisi, jamere ogiri aaiserem fwesa aa jep folbanaram jebo, ane angtane enggam ga sene balbabisi, ‘Au, aamei Uwa Sanbagirem angtanef sa etamwe!’ Aamei angtane seyafter gemerserem jam ijeba towas-towastababinennerem jamer taban, Ai gamjon ga As waraunsu ogiri aaiserem jebe.”

Ane aamei jam isa sarbabisneneiserem angtane im gwetmanabe jam sege erabasaram. Ane aamei gamjon ula ga isa sarbisi angtane im bijauwer aa jei ge nwinbenerem jei ga sege erabasa. Jengga aamei taterisi jeiserem safe gam isa sarbabisisi, ini imna is jam ge erebaamiyen. Seyafter jeiserem jei se etamwesa, jengga nunu umwef ogiri aaiserem jemna je gemerje jam folbayan.

Negara afwer jei negara afweraiserem jebar sege erabasa, ane anggwabura afwer jei anggwabura afweraiserem jebar sege erabasa. Angtane wisi uskambarsus jepga sege folbamisi, aam temawer tumilgala onnap teneserem seyafter ga sege barwebisi. Ane ginirdusa gase gwesa ona nafis-nafsi seyafter gemerserem ogiri aaiserem jebe. Seyafter jeiserem ga jafner towaiwelaiserem tamtamtala angtanemana jeiserem, ga enggala wini tanna jam gerala gamserem jei sigini nabal-nabalsusu jena aa gemer gam enolaram.

Winsi yo ogiri aaiserem je sege barwesa, jengga taterisi Amnaiserem je jam barweyan.”

Angtane unggwanfer jei sege forobisenye bosna Amanaiserem jeme, aamei ga isene afaf-afaftababisi, jei enggam jam gam gutenaram, ‘Aiba Mesiasam, Angtane Uwa Sanbagiri bunarsus aa Jes balam Jam baftanaf enggalfe angtane gam waakentababisif, aiba jesam.’ Ane jei angtane unggwanfersus ga sene afaf-afaftababisi.

Jes jepserem angtane seyafter gemerserem aamei kakalmer ga isene nasbabisi, aam temawer aamei Ai As ijewera tebanaram. Ginanggwana imnaiserem jei ga isene tebabisi, ane angtane nafsiserem jemnip ga isene kitulsu. Jei aamei ga isene safsaftababisi, ane ga isene munbobisi. Jes jepserem angtane anesus Ai aa jei ne tebanaram, jei Ai Asene aftansu. Ane angtane jeiserem jelem afelen mesna jei jena kakalmer ga sene nasmisi, ane jebar jena ga sene detse angtane nafsiserem jemnibe enggalfe gam munbobif. Ane angtane akar-akarem gwelaiserem nabife unggwanfer ga sege forobisenye, ane enggam ga sege gubisi, ‘Ai Uwa Sanbagiri Jei amsam baftabitne’, jengga bunarsusfer Uwa Sanbagiri angtane jeiserem Jam baftabiyen. Ane jei angtane unggwanfer ga sene afaf-afaftababisi.

Yesus ga tamawolbaabili, “Aayai, ga samem-samem jega angtane nensa is jam ne afaf-afaftababiyen.

Ga jem temawer, aamei mese ga jam isa menetwesiwena, aam temawer aamei jema ijama towaswemiyen, jema Ai Tane Angtanemana Ai Ajep foryalaiserem.”

Ga jem temawer, aamei ina jeber-jeber waakenfer isa gaaramisnenewena! Aamei teisyena nunu Ai Tuhan imna, Ai gamjon Ajem foryalaiserem.

Yesus gamjon ga balbabili, “Nunu yo jema Ai Tane Angtanemana, Ai Ajem forolaiserem, nunu jeiserem angtane jei jam ne towaswebiyen. Malaikata taman waaken-girip jeiserem, jei teisyena. Ai Tane Uwa Sanbagirmana, Ai teisyena. Jengga tousa ga Uwa Sanbagiri Jenfentowai.

Taterisi jemnaiserem ijama tebabiyen, aam temawer angtane ol kapkaiserem jei sege forobisenye, ane ga sege gubisi enggame, ‘Aiba Mesiasam.’ Ane angtane akar-akarem nabif gwelaiserem jei mese ga sege forobisenye. Ane jei bwembwema teisyena ane bwembwema unggwandwasususerem ga sene eyebaabisi enggalfe angtane jem gam ne afaf-afaftababife, jega enggalf jei gam ne tikwebitif. Ane jei angtane Uwa Sanbagiri aa jes destabaabilirim, jei ga jes ne unggwasbaabif jam afaf-afaftababife.

Nunu Ai Tane Angtanemana, Ai gamjon Jam Ajep forosanyaram ogiri aaiserem jebe, angtane jes jepserem enggam se naawesa, angtane fwatermana gamserem jei aa gemer naawelam, nunu Nabi Nuhmana jepserem. Fanamona nalef jam falyan, angtane aa jei naawelam jebe ga jafner naawel, tumilgal mese fo ga jetefer ne tumilwel, ane wini yo anggwana jena ga aane detwel, jamer nunu Nabi Nuh atdusap aa ge kabwitel. Jei teisyena afa galap bai se etamwena, jamere fanamona ga til, angtane jepmanaiserem seyafter ga aa ge albitil. Jes gemerserem aaiserem jegme gemer: Angtane ga sege bitbitwebisi nunu Ai Tane Angtanemana, gamjon Ajep forosanyaram.