Папулярныя біблейскія вершы з Lúù 4

Падзяліцца

“Ko Dàa‐mì là Gɛ̀ɛ̀ lɛ m là. Ƃii aà m sí, kɛ ḿ wɔ̃́ làṹ yièa gèe mia lɛ́ pɛ wá o kɛ̀lɛ̀ɛ lɛ̀ɛ. Aà m vɔ kɛ ḿ mi‐la‐wɔ̃̀ gèe bĩ́‐kɛ̀ì‐mìà lɛ̀ɛ lòũ̀ ká, ɛ̃́ɛ̃́ kɛ ḿ gèe mia lɛ́ o nyìɛ káà lɛɛ lɛ̀ɛ kélɛ̀ óò lo lɛ̀ gɛ̃̀ɛ̃̀ zeĩ́. Ɛ́ɛ̃́ zeĩ́, e m vɔ kɛ ḿ mia lɛ́ ò o lùò‐là kɛ̀ ɓoa, ɓo wɔ̃́ yí, ɛ̃́ɛ̃́ kɛ ḿ kɛ̀ɛ̀ lɛ́ ko Dàa‐mì è lo là mia nì laà à káa wɔ̃̀ gèe lòũ̀ ká.”

Zízɛ̀ a là nìɛ̀ weeá kélɛ̀, “À bɛ̃̀ɛ̃ɛ̃̀ lɛ Wálà là kíía yí kélɛ̀, ‘Ì gbini i Dàa‐mì lɛ́ e ɓà Wálà káa lɛ̀ɛ. Ì kɛ à doó là yɛɓo‐kɛ‐mì ká.’ ”

Zízɛ̀ a là nìɛ̀ weeá kélɛ̀, “À bɛ̃̀ɛ̃ɛ̃̀ lɛ Wálà là kíía yí kélɛ̀, ‘Mi ìí bɛ̀i kɛɛ̀ ɓe belè dòló là.’ ”

Zízɛ̀ paà e kɛá Gɛ̀ɛ̀ Púlú ká lɛ̀ e gó Zɔ́dã̀‐yìì bàa ká. Gɛ̀ɛ̀ Púlú e Zízɛ̀ líé sí, áà lò à ká yɛ̀í là.

Zízɛ̀ e à là nìɛ̀ weeá kélɛ̀, “À bɛ̃̀ɛ̃ɛ̃̀ lɛ Wálà là kíía yí kélɛ̀, ‘Yékɛ̀ í i Dàa‐mì lɛ́ e ɓà Wálà káa yí dã́.’ ”

Lɛ̀ Dɛ́ɓò e nyɛ Zízɛ̀ yí dã́ã̀ mɔ̀ zi séĩ́ káa, e gó nɛ́ à mɔ̀.

Lɛ̀ e kɛ kília, Dɛ́ɓò e à sí, e ló à ká lɛ̀í, e kpóṹ là zèe lɛ̀ séĩ́ lɛ́ sɛ́lɛ́ líé‐sí‐mìà o kɛ o líé sípìàa, zɔ̃̀ɔ̃̀ à lɛ̀ɛ nɔ́ zá le. Dɛ́ɓò a gèe à lɛ̀ɛ, “Ḿm̀ lo yíkɛ̀ gáàa wà dɔ‐pɔ̀ɔ̀ séĩ́ e kéa nɔɔ̀ i lɛ̀ɛ. À séĩ́‐séĩ́ nɔɔ̀ e kɛá m lɛ̀ɛ. Ḿm̀ bɛ̀i à mɔ̀ ma nɔ mi nɔ́ɔ fé lɛ́ m̀ nàà ḿ sía lɛ̀ɛ. À mɔ́ɔ̀ wɔ̃̀ mɔ̀ɔ, yé ɓaà gbini m lɛ̀ɛ, pɔɔ̀ nì o kília séĩ́ lɛ́ɛ̀ lo kɛɛ̀ ɓà pɛ ká.” Zízɛ̀ a là nìɛ̀ weeá kélɛ̀, “À bɛ̃̀ɛ̃ɛ̃̀ lɛ Wálà là kíía yí kélɛ̀, ‘Ì gbini i Dàa‐mì lɛ́ e ɓà Wálà káa lɛ̀ɛ. Ì kɛ à doó là yɛɓo‐kɛ‐mì ká.’ ”

Lɛ̀ e kɛ kília, Dɛ́ɓò e à sí, e ló à ká Zùlúsàlɛ̀. E ló a yà sálà‐ɓò‐Wálà‐lɛ̀ɛ‐kà gbãã̀ lɛ̀í gbèkèni, áà gèè à lɛ̀ɛ, “É kɛ̀á i Wálà Gbe káa, ì gó lɛ̀ e kéa mɔ̀, í dà tã́ã̀. Ƃii à bɛ̃̀ɛ̃ɛ̃̀ lɛ Wálà là kíía yí kélɛ̀, ‘Wálà lɛ́ɛ̀ lo à gèeè là vɔ‐mìà lɛ̀ɛ ó o nyìɛ kɛ i mɔ̀.’ Ɛ́ɛ̃́ à bɛ̃̀ɛ̃ɛ̃̀ lɛ zeĩ́ kélɛ̀, ‘Óò lo o kɔ̀ yàà i wì, yékɛ̀ gɛ̀lɛ̀ é i gã̀ gĩ̀ĩ.’ ” Zízɛ̀ e à là nìɛ̀ weeá kélɛ̀, “À bɛ̃̀ɛ̃ɛ̃̀ lɛ Wálà là kíía yí kélɛ̀, ‘Yékɛ̀ í i Dàa‐mì lɛ́ e ɓà Wálà káa yí dã́.’ ”