Папулярныя біблейскія вершы з Génesis 11

Падзяліцца

Ja̧danö, edö jö̧ba̧lijetö Isabenö Jo̧ma, itedada: —Bidöma bakobe ja̧nö, ja̧danö, tjiwenema bakwainö yöba̧lö ju̧kwadö. Jejenö bakobe ja̧nö, tjiwene bakwainö yöba̧lö idöda tjösödi̧ tjotidobö jo̧be, bemi comunidad, ja̧danö beju möejuma. Jejenö ju'wibi ju'wi, idöda tjösödi̧danö baibanö tjö̧jitjö̧ma, jobadö ja̧tjobö waiyi̧ma jwiena. Okobe jwiinö idöda tjösödi̧ tjotidobö jena— jö̧ba̧lijetö. Jejenö jö̧ba̧lö ȩwa̧jo̧: —Jobekwö di̧'yo, tjiwene balewö lodo wainö tjiweneda yöba̧ladö batjibanö, bakwo̧ jelo̧ yöa̧li̧ma a̧ja̧kwökakobetjö̧— jö̧ba̧lijetö Isabenö Jo̧ma.

Ikenama yöba̧lakwawijadötö: —Duju̧kwemi comunidad dotido. Ja̧danö, comunidadnö o̧do möeju dotido mölejȩbe ichibanö. Jejenö dotiditjö̧ma okobe deinö böjȩnö ju̧kwadöma ökwödönö tjöwaisakobe, otiwanö tjotidinobe möejuma, jö̧ba̧lö. Ja̧danö, jejenö otidö ökwödöma bakwainö omukwatadö babibajadö benada otiwanö bakobe duju̧kwakobe. Jejenö dö̧jo böjȩ bakwemeachibanö wainökwena duju̧kwökakobetjö̧, ökwödötjö ju'wedö jelobe, ökwödötjö ju'wedö jelobebi— yöba̧lakwawijadötö.

Jobetjöma Isabenö Jo̧ma wainö tjiwenekwena yötja̧lobö ja̧inobetjö̧ ja̧ comunidadma Babel mikwijetö. Ja̧danö, Isabenö Jo̧ma wainö tjiwenekwena yötja̧lobö ja̧iawö̧ jelö labebö böjȩ ba̧kwemeachibanö tjuju̧kwobö 'yi̧jadötö jojodöma.

Ja̧danö, jojodöma okobe deinö ina böjȩnö bakobe tjuju̧kwena tjiwenema bakwainöda yöba̧lö ju̧kwijadötö.

Ikenama Isabenö Jo̧ma mölejȩbetjö ichijetö tjotidobe edö, tjuju̧kwemi comunidadbi, o̧do möejubi.

Jo̧kwaobetjö̧ Isabenö Jo̧ma jobadö tjiwene wainökwena yötja̧lobö ja̧bijetö. Jejenö ja̧obetjö̧ jobadö tjotidaja̧ma kabatakwawijadötö, tjiwene wainökwena yötja̧li̧ma tja̧ja̧kwokobetjö̧. Jejenö Isabenö Jo̧ma ja̧bijetö jobadönöma jelö labebö jelobe jelobekwö 'ya̧nö böjȩ ba̧kwemeachibanö tjuju̧kwobö.