Папулярныя біблейскія вершы з YOWANNE 19

Падзяліцца

Yesu bwe yamala okuweebwa omwenge omukaatuufu, n'agamba nti: “Kiwedde.” N'akutamya omutwe, n'afa.

Ebyo bwe byaggwa, Yesu ng'amanyi nti kaakano byonna biwedde, olw'okwagala okutuukiriza ekyawandiikibwa, n'agamba nti: “Ennyonta ennuma.”

Yesu bwe yalaba nnyina, era n'omuyigirizwa, ye Yesu gwe yayagalanga, ng'ayimiridde awo, n'agamba nnyina nti: “Maama, laba, omwana wo wuuyo.” Ate n'agamba omuyigirizwa nti: “Laba, nnyoko wuuyo.” Okuva olwo omuyigirizwa oyo n'amutwala eka ewuwe.

Bwe baatuuka ku Yesu, ne balaba nga yafudde dda, ne batamumenya magulu, naye omu ku baserikale n'amufumita effumu mu mbiriizi, amangwago ne muvaamu omusaayi n'amazzi.

Ebyo byabaawo, ekyawandiikibwa kituukirire nti: “Talimenyebwa ggumba na limu.” Era ekyawandiikibwa ekirala kigamba nti: “Balimulaba gwe baafumita.”

n'afuluma nga yeetisse omusaalaba gwe, n'atuuka mu kifo ekiyitibwa eky'Ekiwanga, mu Lwebureeyi ekiyitibwa Golugoota.

Abaserikale ne bawetaaweta amaggwa, ne bakolamu engule, ne bagimuteeka ku mutwe, ne bamwambaza olugoye olwa kakobe